第一堂游泳班

12-8-2012

第一堂游泳班

其實菲比識游水，但係佢實在係細膽狗，

咩都驚一餐，所以同佢參加游泳班，

等佢鐘意游水，唔使下下迫佢落水...

去到熱下身先，

諗住佢實唔肯游，又諗佢自己落水之麻，

所以無帶衫...

係池邊跑咗好耐

試咗幾次係淺水引佢落水，

因為我無帶衫，所以只可以係淺水區活動...

佢都肯為咗食落一落水，但唔係次次都得...

情願圍住池邊跑...

係都唔望鏡頭

最後都係要落水，因為靚女師姐落水抱咗菲比一陣，

佢想菲比由佢手上游返黎我手上，

所以比佢強迫我落水，

無辦法啦！為咗菲比，咩都要做啦！

佢一放手，菲比即時游返我度，

我放手諗住菲比會游返師姐度，結果唔使我講，大家都估到啦！

逃咗上岸囉！比師兄教訓咗一餐，

因為佢咁樣由池裏面爬上岸會令佢更驚游水...

休息一陣再游過，我一路都係係池中間放手，然後我自己向後退，

等菲比游返我度，但最後一次菲比游得太快，

比佢游到埋池邊，佢又想逃，但跣手跌咗落水，

又比師兄教訓一餐，今日到此為止，

下堂再游過啦！

今日米米爸媽帶咗個蛋糕黎

米米兩歲生日快樂！

將菲比放咗係師姐背脊度，最衰佢唔肯望鏡頭啦！