買陪葬品

陪葬品，應該係最後為媽咪買o既手飾...

弟婦因為坐月o既關係唔可以送媽咪，

又唔可以上黎屋企上香，因為BB太細，所以媽咪走後第二日，

細佬一家就同阿哥兩公婆交換屋住，所以佢咩都唔可以為媽咪做，

所以專登等BB滿月，可以出街，一齊去買陪葬品...

BB第一次行街，就係去買金器比嫲嫲...

金價好貴，但買比媽咪o既！再貴都要買啦！

其間BB肚仔餓，見細佬兩公婆慢手慢腳，

我就幫佢換片，結果比姑媽話，

我o地上咗孝，唔可以掂BB...

好可憐喔！

餓到無晒表情，啱啱滿月都唔似得個零月大，

但就得嗰6磅零...

買完o野返阿哥屋企，因為阿哥要換魚缸水...

陪月阿姨放假，所以無人幫BB沖涼，

睇見佢兩公婆幫個BB沖涼都驚，

真係好想幫佢哋手，但阿爸打幾次電話黎叫我哋千祈唔好掂BB...

兩個做咩都慢手慢腳，BB肚餓啦！

終於有奶飲