開學了

放咗兩個月暑假，終於都開學啦！

話就話放咗兩個月暑假，不過因為有活動同探訪，

所以都經常見到師傅師兄師姐同埋同學仔...

諗咗好耐唔知返唔返學好，

一來心情仲未平伏，實影響菲比表現，

二來咁快就去玩好似唔係咁好，

不過最後都去咗返學，菲比咁耐無見咁多同學仔一齊，

一返到去都好開心，但係由於媽媽心情麻麻！

所以菲比都唔係好肯玩...師傅話趁菲比係堂妹屋企住咗咁多日，

有被遺棄感覺，黎緊呢兩個星期就盡唔好理佢咁多，

唔好關注佢咁多，咁佢就會容易控制啲，

但係...每次佢跳上床錫我，我都無法抗拒，總會攬下佢，

錫下佢，所以又失敗咗...

因為無咩心情，所以相都無影到，

只係坐車時同菲比影咗幾張相...

游水都無影過相，感覺自己去咗遊魂，

上完堂都唔知自己做過咩...