菲比返屋企

終於搞掂媽咪身後事，一心以為可以帶菲比返屋企啦！

點知媽咪個神位唔可以放高，要放三年地下，

法師話啲祭品要放三日，

爸爸叫我等多兩日先去接菲比，

但係三日後我哋都會繼續放生果同茶/酒，

到時菲比都會去lam啲茶/酒喎！

係fb團購咗椰子油，遲遲都未去攞，

所以去荃灣攞椰子油，又記得三水媽話佢個圍欄係荃灣買︳

順便去睇睇啲圍欄，即時買咗個返黎，

圍好圍欄後諗住去接菲比返黎，點知阿爸話等夠三日先，

唉！咁多日都等咗，唔掙在等多兩日啦！

第三日一起身就拿拿臨去接菲比返屋企啦！

菲比一入門口就直衝爸爸間房，然後走去圍欄，

又走入爸爸房，又走去圍欄，持續咗成五分鐘，我就抱起佢，

打開圍欄，跪咗係媽咪神位前，菲比即時靜晒，

我攞起三支香，點著後雙手捉住菲比隻手攞住啲香，

佢出奇地唔驚，又乖乖咁夾住啲香，

雖然我係基督徒，但媽咪唔係，所以個十幾日我都有上香同燒o野比媽咪，

呢一次都應該係我最後一次上香比媽咪，

之後每日上香o既責任就交比細佬兩公婆啦！

上完香後菲比終於都定落黎，仲好開心咁比我影相添...