風光

雖然我哋唔係咩有錢人，

但都希望為媽咪葬禮搞得好好睇睇，

媽咪人緣真係好好，好多人去靈堂上香，

最多人o既時候有成三佰人以上聚集係靈堂，

守夜o既人都坐滿兩駕旅遊巴，

真係好多謝一班親朋好友，如果唔係上山段路真係唔知點算，

因為落過雨，條路好難行，沿路有好多大石，

啲路又斜，又上又落...全部男性親友都要幫手借力比抬棺o既人...

個個都搞到波鞋變泥鞋，最後總算安全將媽咪送到下葬地方，

細佬唔可以送上山，只可以送到碼頭，

所以我要攞相，我攞住張相要行落去o既時候真係好驚，

不過身邊有好多堂叔堂弟表哥表弟，佢哋一個個企係條斜路度，

我每行一步都有人扶住，所以真係佩服班抬棺o既人，

感激佢哋o既盡力...所以一切順利...

送完媽咪，返屋企沖過付水，就可以抱BB啦！

第一張同BB影o既相...

當日下午同事打黎榴槤冰皮月餅攞咗，

呢兩盒月餅一盒買黎送比師傅師兄師姐佢哋食，

一盒諗住同媽咪食，但係訂o既時候媽咪仲會行會走，

收到o既時候媽咪就...