探阿be

因為種種原因，所以將阿be送咗比人，

但真係好唔捨得佢呀！

好想每個月或者隔個月去見下佢，

但係又怕麻煩到佢宜家個

媽媽(cha cha媽)，

所以都係每年一次啦！

但係又為因有d意外，

所以舊年無去探阿be，

我真係好掛住佢o架！

所以一搵翻cha cha媽

個電話就即時聯絡佢，

佢好快就答應我，

所以我今日就去探阿be啦！

咁耐無見就整d見面禮比佢o地啦！

南瓜三文魚蛋糕...

焗好啦！隻隻狗都好鐘意。

菲比聞到香味，係廚房門口等食。

佢就係阿be啦！佢d毛變晒色，

變咗灰白色。

又變乖咗，所以cha cha媽好錫佢，

cha cha媽話帶佢去街絕對唔會失禮人。

佢比起我送佢比cha cha媽

時重咗成倍幾，

我宜家都抱佢唔起呀！

cha cah媽真係好錫佢o地...

點解有咁多狗狗，

大果三隻係cha cha 媽的，

細果隻係佢住樓上o既朋友放係到一陣...

佢係cha cha，

比我上次去探阿be時都係重咗好多。

佢上次任我影，今次都係避鏡頭。

依隻就係人o地暫托的狗狗，

叫做妹妹。

佢真係好得意...

原來我無同lu lu影到想，

因為佢一見相機就掉頭走。

坐咗成三個鐘，係時候去接翻菲比啦！

因為cha cha媽話lu lu

如果有唔識o既狗狗去過屋企，

佢佢會周圍痾，所以無帶菲比去，

本來諗住比菲比見下哥哥添。

因為我唔想放假都困菲比係籠，

所以帶咗佢去元朗我朋友返工果到，

佢一見到我就超興奮呀！

第一次影到佢o地兩隻企埋一齊，

佢係QQ，好惡死的，

唔比第二d狗接近...

下晝無瞓過，因為佢見我唔到，

又係陌生環境，所以無瞓，

一返屋企就九秒九覺豬啦！

佢宜家好鐘意瞓係我個身到，

總之我一瞓係到佢就跳上來啦！

真係無佢辦法。