本來係三月七日打針的，
不過唔想佢要四個月大生日時又挨針，
所以決定提早幾日同佢去打針。
下個星期我o地可以去街街啦！
第一次打針係欠四日就兩個月
體重係1.24kg
上個月打針係三個月大
體重係2.05kg
今次打針係欠三日就四個月大
體重係2.60kg
下次打針日期係二零一二年三月四日...
今日買咗隻鞋仔比佢...咬！
睇o黎佢都好鐘意，
下次買多幾隻比佢咬...
咬咗好耐，
平時打完針返到屋企都係瞓...
今日就無時停...
企起身先見到我尋日幫佢鏟毛o既地方，
原來咁肉酸，好彩菲比唔合作！
唔比我鏟，最後去咗幫襯寵物店，
如果唔係真係好難想像我會鏟成點！
你都係o係專一打針ｇa,我都係
回覆刪除不過我囡囡病左成個月都仲未好,
依家５個月都仲未打到第３枝針
[烈女菲比03/07/2011 20:33:00]係呀！我本來帶菲比去大埔安建打針的，但果時佢未夠兩個月，工作人員又唔話比我聽唔可以打針，又無問我菲比未打得針住仲見唔見醫生，入到去醫生淨係同菲比探下熱就收二佰三蚊，我覺得有d欺騙成份囉！所以上網睇下有咩獸醫好，最後就去咗專一啦！雖然遠d，但我覺得專一D醫生護士都幾好，所以諗住KEEP住比菲比睇專一...
嘩,淨係探熱都2百3,打枝針都冇咁貴=口=""
回覆刪除我都覺得專一幾好,我仔仔絕育都係個到做,
佢地又會打返黎問下佢情況點有冇咩問題咁,幾有愛心
[烈女菲比03/07/2011 21:58:00]我就係鐘意佢o地會跟進寵物情況...
係喎...我都要預防針^^
回覆刪除[烈女菲比03/09/2011 18:58:00]Mocha宜家係唔係一年打一針呀！
係呢？我想問下你知唔知心絲蟲藥係唔係第一次同第二次之間隔一個月，之後就隔三個月食一次...
回覆刪除Mocha宜家係一年打一針！瘋狗針就3年一次
心絲蟲一個月食一次架喎, 杜虫就3個月一次囉
[烈女菲比03/10/2011 20:29:00]原來我心絲蟲同杜蟲調轉咗，我宜家每個月比菲比食一次杜蟲，心絲蟲就上個月食過一次，人o地話今個月要食多一次，之後就可以三個月食一次...