破壞王菲比

我家菲比唔止會咬人，

而且破壞力超強，

試過將同事叫我買o野o既

一佰蚊擔出o黎咬，

當我發現時張一佰蚊已經一開三啦！

不過唔記得影相...

一日瞓醒發現，好彩佢未食到啲

hand cream，佢真係識揀，

唔貴果樽都唔咬。

有日成地棉花，

周圍搵發現傷者係佢張床。

又係我個袋偷o野咬....

另一個傷者係佢個朋友仔

陪佢成長o既書都唔放過，

唔見咗一隻角...

死得最慘都係依塊Mouse pad，

簡直就死無全屍呀！

個衰妹可能掛住咬塊Mouse pad，

咬到唔記得去小解，結果走唔切，

一路走一路痾...

最後當然被罰無得上床啦！

 

帶佢去街永遠都行得唔正經，

跟住就會有人問我佢係唔係好細，

我話五個月，之後人o地就話，

唔怪得啦！佢宜家細啫，

大d就唔會啦！我果隻以前都係咁...

希望菲比都係啦！

越大越聽話...