欠爸爸的一家團聚

一路都好掛住糖糖，

糖糖係菲比的細細佬，

自從新年前見過糖糖後，

都無再見佢啦！

某日心血來潮，

係fb到同佢媽媽講好掛住糖糖呀！

結果佢第二日就帶埋糖糖

過o黎見我o地喇！

佢就係糖糖啦！佢真係好乖，

任人魚肉，點舞都得，

真係人見人愛呀！

傾傾下先發現原來糖糖d性格似妹妹，

而芝麻仔同菲比就似爸爸...

兩隻喂食狗...

依張相好明顯見到

菲比個頭大過芝麻仔好多...

雖然張相好蒙，但都想講下妹妹，

三狗o既媽媽，

佢真係一個好好好o既媽媽，

你要打d狗bb咩，佢必定擋係前面，

d狗bb係到玩，

佢必定係附近望住佢o地，

而最近芝麻仔經常周圍痾，

所以堂妹將佢困籠﹐

但芝麻仔不停吠，不停叫，

攪到比人投訴添，所以經常比人打，

結果妹妹自己諗到個辦法，

就係芝麻仔困籠時佢就企係籠上面，

一來可以安撫芝麻仔依隻痴媽b，

二來芝麻仔比人打時佢都可以救佢...

依個媽媽真係抵讚呀！

條口水肩影相出來個效果好靚呀！

菲比﹕同我著口水肩

係唔係有o野食呀！

我﹕無喎！只係裝飾咋...

難得的一張全家幅...

四隻入晒鏡就叫全家幅啦！

佢o地隻隻都唔鐘意影相...

依張影后唔知算唔算全家幅呢？

因為除咗三隻黑色外，

原來糖糖都入咗鏡...

好鐘意依張相呀！三個都望鏡頭，

佢o地兩個仲一齊伸脷添...

依張菲比雖然無伸脷，

但個樣都好可愛丫！

佢o地兩個表情一致，方向一致﹐

哈哈！好可愛呀！

 

玩玩下糖糖媽接到電話要返大陸，

想將糖糖留低，但我夜晚要返工，

堂妹夜晚就可以，

不過第二日就無人係屋企比翻糖糖佢，

最後糖糖夜晚就就由堂妹照顧，

我第二朝收工就去堂妹到

接糖糖返我屋企等佢媽媽...