食得招積

買咗包愛肯拿狗糧返o黎後，

諗住菲比會自己食啦！點知一餐過後，

佢又唔肯食喇！真係比佢激死呀！

依個牌子仲要係無細包裝，

一買就要買咁大包，都唔知點好。

買糧o既時候老闆娘話依隻糧有個換算表，

可以睇下菲比應該食幾多，

原來菲比每日只須四份一杯，

咁佢食兩餐，所以就係每餐八份一杯...

八份一杯就係得咁多，唔怪得菲比平時食淨咁多啦！

原來係我平時比多咗佢。

一餐過後佢又要人一粒一粒餵...

之後比我發現如果剪開粒糧佢就肯自己食，

你o地話係唔係食得招積丫...

二十一號果日整咗白汁焗長通粉，

我同弟婦一人一碟，

菲比當然無份啦！

見佢成大半個月無食過肉肉，所以就整咗鴕鳥肉加通粉比佢食。

唔知係唔係太耐無食肉，佢九秒九就食咗好多啦！

http://www.youtube.com/watch?v=F6D88CtCygo

菲比雖然平時唔比人摸，好惡，

但我可以係佢食緊o野時攞咗佢d食物而唔會發出wu wu聲的...

果日係我舊曆生日，而咁啱堂妹新曆生日，

所以我o地一齊切蛋糕，

一人攬住一隻寶貝，可惜芝麻仔係屋企...

唔知點解呢？上次去公園明明菲比同媽媽一樣大隻，

但果日點睇媽媽都大隻過菲比，

唔通狗狗都有第三期發育...