菲比第一次睇龍船上

今年係菲比第一年過端午節，

而我每年都會同屋企人

上遊艇睇龍船的，

唔想留菲比一個係屋企，

所以決定帶埋佢去，

起初都擔心佢會跌落海的，

但後來覺得一來佢會識游水，

二來總會有人識游水的，

佢o地唔會見死不救掛。

晨早五點幾起身為菲比準備的午餐

雞柳加鴕鳥肉

係樓下等車時同菲比影的，

個新狗袋好好用，

不過菲比始終都係唔肯成隻入晒去，

係都要伸個頭出來。

上到船的第一張相...

菲比全日都好開心，

除咗我行開的時候...

菲比係到睇咩呢？

當然睇龍船啦！

第一果隻就係我阿哥有份扒的...

佢真係好似識睇咁，

哈哈！其實佢可能八八掛掛咋...

菲比﹕咁都比您識穿咗...

好彩有帶狗帶，

可以縮窄菲比的活動範圍。

菲比﹕媽媽我係唔係偷度o架！

有架警船係下面呀！

唔使理佢的，佢只係借

我o地架船o黎停下架水警輪啫...

菲比﹕咁都無咁驚...

好鐘意依張相呀！

不過最衰係自拍啦！

影唔晒菲比添...

菲比﹕媽媽係唔係唔要我呀！

做咩捉我去水警輪到呀！

 

哈哈！媽媽走去問警察叔叔，可唔可以上佢o地架船影下相，佢o地話唔係咁好，咁我就叫菲比自己跳上去，然後我就扮去救佢，點知菲比唔敢跳，警察叔叔就話好喎！佢o地欠一隻狗，我就問菲比做唔做警犬，菲比話佢會咬人，又唔聽話，唔想做喎！

警察叔叔話係佢屋企欠隻狗，唔係水警輪，哈哈哈！