嘔/痾

返到屋企，我阿媽話同我講，菲比痾咗幾次，

我張床都有...入到房見到張床，

雖然好嬲，但都無怪菲比，但我總覺得菲比唔會咁大膽，

係床上面痾！

哈哈！放張無聊相係最高先，

唔係怕大家會嘔心，

注意，下面相片可能令大家情緒不安...

>>>>>

>>>>>

>>>>>

>>>>>

>>>>>

>>>>>

>>>>>

>>>>>

>>>>>

>>>>>

send咗依張相問師姐知唔知係咩！

佢話一時間食得太多，食物未吸收過o既便便就係咁...

我話菲比應該唔會大膽到係床上面痾掛！

佢話食物未吸收過o既痾同嘔都係咁...

咁我就當係嘔喇！

張床仲有幾達好似依d咁o既嘔吐物，

最後張床單唔要，淨係洗翻張被，

我有好多被，其實張被都可以唔要，

但係張被跟咗我超過2個十年啦！

真係唔捨得呢？

菲比個樣唔係好精神，我返到屋企佢都間中有痾，

但就唔同床上果d，所以我更加覺得床上果d係嘔...

師姐叫比舊烘面包佢食，咁啱屋企仲有一塊面包，

即時烘比佢食啦！食完後佢都仲有痾，

痾咗幾次小小o既軟便，第二朝就龍精虎猛啦！

覺得自己好好彩，識到師傅同師兄姐佢o地，

有咩事都可以問問問，如果係以前，

可能又攬住菲比一味喊喊喊啦！