剪咗毛啦！

哈哈！兩個星期前剪毛，宜家先至寫blog...

其實菲比d毛都唔係太長，

不過吸取咗上年o既教訓，都係宜家同佢剪，

之後留到佢生日就可以剪個靚裝過生日啦！

舊年因為我太早同佢留，到八月o既時候一出街就比人話，

點解佢d毛咁長唔同佢剪，想熱死狗咩，

所以八月同佢剪毛，留到十一月都未夠長剪裝...

今年唔可以再係咁啦！

同菲比去剪，本來想手腳長d，身鏟短d，

姐姐話全身一樣，$110+沖涼$110...

如果手腳長d就當剪裝要$280+沖涼$110，

咁我就選擇咗全身鏟短啦！

反正都係要留長...

接菲比時有d嚇親，菲比細隻咗好多，

又醜樣咗...

好彩仲有時間留長，五個月後先剪個靚裝啦！