分開廿曰

因為媽咪走咗，親戚話屋企有狗媽咪會返唔到屋企，

尤其是黑狗，雖然我唔信呢啲，

但屋企人個個都想媽咪可以返屋企，

所以臨時臨急將菲比帶咗去堂妹度暫住...

菲比成兩歲大，除個大約兩個月大返媽媽度住咗一日外，

都未試過離開屋企去第二度過夜，

今次仲要廿日咁多添，好彩堂妹住得近，

我每日都可以去探個傻妹...

每日去到都好唔捨得走，

因為每次我走佢都會狂抓門，

然後就瞓係門後面，毓都唔毓...

腰腰嗰廿日都經常出黎，

諗住佢可以陪下爸爸，

待爸爸心情無咁差...

衰妹去到媽媽地頭都想蝦細佬...

成廿日無沖涼

第十四日就發現個籠變成咁，

師傅知道後打黎問我係咪第十四日發生o架！

我問你點知o架！佢話通常情緒有問題o既狗狗都係

第十四日就出現問題，好彩有佢o地，

教住我點做，唔係菲比o既分離焦慮會越搞越嚴重...

其實到宜家都唔知到底係咪有黑狗媽咪就返唔到屋企...

但菲比係堂妹度住其間，堂妹發夢夢見媽咪係到搵菲比，

唔知係咪佢返黎屋企唔見菲比，所以會咁呢？

咁樣住廿日，個籠都比佢咬爛咗，

最低嗰層啲鐵枝比菲比咬到爛晒，

連個籠都唔要得，好彩已經係最後一日...

同菲比分開咗廿日，返到屋企佢真係乖咗好多，

比師傅話中晒，中教埋我點做可以令佢更乖，

可惜我做唔到，無見咁多日，返到黎實抱多咗，

攬多咗，所以一個星期後菲比就打回原形...