今日帶咗菲比去寵x村沖涼，
平時菲比去開愛x站的，
但阿嫂話寵x村平d，四送一，
所以去試下啦！
點知菲比沖涼時咬人，
我去接菲比時
個店員同我講菲比會咬人，
點解唔早d同佢o地講，
有個員工比菲比咬咗六個牙窿，
我話菲比係第二間沖涼時
人o地話佢好乖，
無同我投訴過佢咬人喎！
所以我都係以為
佢係我在場的時候比交惡...
唉！咁點搞呀！仲係果到買咗套票添，
比QQ又唔同價錢，
唔用又好似浪費咗，
如果係到沖埋果四次的話，
到返愛X站時
會唔會又唔適應而咬人呢？
菲比咬人o既情況好似比較嚴重，
咁我可以點教佢呢？
真係唔知點算好呀！
我真係唔想同佢戴口罩出街﹐
好似好可憐咁...
係屋企我會比佢咁玩的，
但佢唔會咬到我，
只係咬我件衫，唔知會唔會有影響呢？
http://www.youtube.com/watch?v=Hxs6dipqbhg
唔知係唔係我平時咁同佢玩，
所以佢鐘意咬人呢？
菲比，你想唔想以後去街都要戴罩呀！
會好可憐o架！我都唔想咁做呀！
所以你自己要乖d呀！唔好再咬人喇！
要惡d 先得喇,可能你太寵佢呀, 同埋佢第一, 二次開口, 你冇制止佢, 佢就以為佢一驚, 一唔鐘意就可以開口咬人呀.
回覆刪除[烈女菲比03/28/2011 19:13:00]唉！我都知要惡d對佢，但當人o地話比我聽佢咬人時，已經唔知過咗幾耐，無理由打佢o架！我今日特登攞把梳試下佢，點知佢一見到把梳就發狂，E起棚牙！惡到死，我唔理佢，照梳，點知佢真係一啖咬落o黎，但只係痛無牙印，於是我就打佢，要佢落床，佢又跳返上來，我叫佢返落去，佢又知衰跳返落床，平時佢係唔肯的，三十分鐘之後叫佢返上床，佢先敢上o黎，我又攞把梳出o黎，佢又E起棚牙，我又照梳，佢今次無咬，梳咗一陣，佢又發惡，我又趕佢落床...其間我係到諗，佢係愛犬站無咁o既情況，點解係果間又會咁，佢之前憎把梳都未致於咬我，但點解去完果間後會咁，會唔會係人o地見佢唔肯梳毛打佢，佢發惡，所以咬佢，但點都好，佢咬人都係佢唔啱，希望佢唔會有下次啦！
你要惡d 鬧佢, 唔係唔理佢.
回覆刪除[烈女菲比03/29/2011 10:17:00]我都已經比我爸爸叫我做惡人谷啦！佢跟本就唔驚我，佢見我唔到真係好乖o架！所以我都好懷疑果間寵物店有無打過佢...
我想你要讓牠先將好事與梳連想一起, 將梳與食物一起擺在牠面前, 牠一伊起牙, 就收起小食, 如果不依就給牠吃. 令這變成一個遊戲. 半個月就會見效.
回覆刪除再者, 要讓牠知道咬人是不對的, 每次牠咬人, 不論力大力細, 都要罰.
我平時就會掌嘴及罵牠. 直至牠擰開塊面為止才收口.
[烈女菲比03/29/2011 10:26:00]菲比好古惑的，你鬧佢佢會錫你，細個時佢咬人我都已經有彈佢咀仔，但佢一d都唔驚，希望佢大d會好d啦！
如果J2台重播"狗狗週記"的話, 你一定要看.
回覆刪除它教很多教狗手則. 一般人適用.
不過唔知幾時會重播
[烈女菲比03/29/2011 20:33:00]我好少睇J2台o架！如果你知道有的話，可唔可以通知我呀！謝謝！