見上星期去唔成大尾督，
所以今日帶菲比去大尾督行翻轉，
順便約埋d朋友去巴希雅燒烤...
入大尾督前去coco舖頭，
睇下可以可以見到cobe佢o地。
大小怪獸
等咗成個鐘頭先有小巴，
去到大尾督，影翻張合照先啦！
佢成日都會偷襲我。
我又試下將菲比放係條柱到影相先，
估唔到佢仲笑笑口添...
上到去見到人山人海...
咁多人，唔好話放狗啦！
想同佢跑下都唔得添...
依張影得好靚呀！
不過最衰我隻手啦！
無得跑，唯有影下相啦！
周圍都好多狗狗，
依兩隻標準貴婦好可愛呀！
一路行一路望，菲比都好八掛喎！
除非佢見唔到，
如果唔係佢都要撲狗狗。
依隻係長大後o既菲比，佢叫涼粉，
佢主人話涼粉五個月大時
同菲比一模一樣。
去到巴希雅，菲比都係同上次一樣，
罰坐。
巴士司機好好人，見住我抱住菲比，
都比我上車。
第一次坐巴士，想同佢影下相都唔得...
圓咕碌: 菲比識咗咁多朋友仔 , 一定好開心呢~!!
回覆刪除[烈女菲比04/05/2011 07:47:00]全部都係一面之緣，希望以後都可以再見，真係做埋朋友仔就好lu...
好正~ 我都好耐冇同班小朋友出去玩.. 次次唔帶佢地跟手就後悔同內疚..
回覆刪除[烈女菲比04/05/2011 07:49:00]我只有兩個選擇，一就帶埋菲比出，如果唔係佢就要困籠，二就我都唔出街，同菲比兩個係屋企困獸鬥...
下次搭巴士唔好咁揚喇, 司機好人比你上, 唔代表其他乘客唔會投訴個司機呀.
回覆刪除[烈女菲比04/06/2011 10:13:00]哈哈！唔係我揚呀！而係菲比跟本就無入過狗袋，又成十點，小巴站又排長龍喎，個表姪女第二日要返學，所以就試下上巴士，睇個司機有無出聲，點知佢又好好人，比我o地上車...
第一張相你知唔知係邊個嚟的??
回覆刪除[烈女菲比04/06/2011 21:10:00]有狗繩的係怪獸...
哈哈！如果無狗繩的話真係唔知係邊個呀！
我知,係cobe~
回覆刪除[烈女菲比04/06/2011 21:10:00]係怪獸...
我都好想帶perfect出去走吓, 但又驚巴士, 小巴唔比上, 都唔知點好~
回覆刪除[烈女菲比04/17/2012 00:17:06]巴士一定唔比上，不過如果佢肯入狗袋，都可以偷偷帶佢上巴士，小巴紅色比上，綠色要入狗袋，不過我都遇過紅色小巴要入狗袋先比上...
我怕佢連狗袋都唔很入~~之前有個狗袋for佢去打針, 點知佢係咁掙扎要娟出嚟, 最後連個袋都爛埋如果遇着d巴士或小巴入左狗袋都唔比上呢, 咁可以點呀??
回覆刪除[烈女菲比04/17/2012 12:12:49]小巴好少會唔比上，除咗個司機真係好唔鐘意狗啦！巴士比佢發現就一定唔比上o架！可以等下一駕，菲比之前都係死都唔肯入狗袋o架！入咁耐就抓咁耐，有時仲會悲嗚添，所以之前都唔敢帶佢坐巴士，後來上堂後知道越理佢佢就會越抓同悲嗚，就坐小巴時試下入咗袋佢點抓點叫都唔好理佢，唔好望佢，唔好同佢講o野...咁佢抓一陣就會停，之後試坐巴士，去巴士站前就入佢入袋，等佢抓到唔抓喇就行去巴士站，都試過幾次佢完全無抓袋乖乖坐完全程...其實妳又有兩個小朋友，可以試下call van，比八五折的士仲要平d...
我都有稔過call van, 但唔知佢點收費~~同埋坐巴士或小巴可能會平過call van~
回覆刪除[烈女菲比04/17/2012 13:55:24]坐巴士或者小巴當然平過call van，不過有小朋友又有狗，call van會方便d，我上次係彭福call返大埔$6x，我去程坐的士就$7x，比的士平d，但就大d坐得舒服d...