舅婆取孫新抱

沙頭角地方大，所以可以保留好多傳統習俗，

所以每次沙頭角有咩喜慶，

我比較熟的都樂意同媽咪佢o地一齊去的...今次姑媽、

表姐同五伯伯都一齊去，仲係我咁大個女第一次同警察講大話呢？

諗起都覺得好笑呀！我o地一去到就去飲茶，

因為佢o地三個張禁區紙係唔入得中英街，

所以我o地要係中英街外圍o既茶樓飲茶。

之後就去喜宅，食完湯圓後我就帶表姐去中英街按摩，

頭先都講過佢o地張禁區紙係唔入得中英街，所以我o地一路行一路諗藉口，

警察真係問，頭先先入過去，宜家又入，你唔入得中英街喎！

表姐就話我入o黎探親，佢屋d野唔啱我食，所以去茶樓食飯，

個警察其實都知依個係藉口，不過佢巡例都講句，

只可以去茶樓，唔好要我失職呀！

哈哈哈！過咗海就神仙啦！我o地入一入茶樓，就即閃入中英街！...

依個係我舅婆，見我影相就叫我同佢影張相...

一去到表姑就攞住條練同我講，睇下表姑依世人最架劫係今日，

我攞條練o黎睇下，輕飄飄的，假o野o黎...

沙頭角就有依個好處，空地夠大，咁樣放六個大獲都無問題，

又無人會投訴...

舊年細佬結婚，我o地依度只可以放兩個細獲，

仲要務住被人告o既危險...

好多湯圓...

搣蝦都有咁多人...

宜家係大埔都幾難見到用柴火煮食...

湯圓就o黎食得啦！

果日天氣好凍，大埔十一度，我諗沙頭角低幾度，

但企係獲邊o既人就一d都唔會凍...

見駕三輪車佈置得咁靚，影翻張相先...

炸門鱔，即劏即醃即炸真係好好味...

我咁大個女都未見過人煮大獲飯...

依個係我阿姨，每逢有得玩，最癲的實係佢...

四點幾就食飯啦！因為爺爺坐咗成日，都好攰啦！

而且我都要返屋企瞓翻一陣，之後仲要返工，

所以我o地食頭圍...

食完帶表姐去行碼頭，咁啱見到日落...

影咗幾張相電話就到，叫我o地快d返去，姨丈車我o地返大埔，

有老人家同人就有依d福利，結果我o地碼頭都未到就要返轉頭啦！

唔緊要啦！因為明天我會帶埋菲比入去睇接新娘，順便同佢去跑碼頭...