聖誕照上堂+聖誕Party

聖誕節難得師父同師兄師姐都肯陪我o地過，

咁當然會出席啦！

依個狗袋收咗幾日，原本係菲比的生日禮物，

但就遲咗個幾月，要到臨近聖誕先收到，

所以就當係菲比第一份聖誕禮物啦！

個狗袋好靚，個價錢都好靚，

好似手袋，所以我好鐘意丫！

因為要預備食物，放完工又同表姐同事去食宵夜，

搞到成兩點幾先返到屋企，

之後搞依樣搞果樣加梳洗完都成四點，

開始整木槺蛋糕(無影相添)，點知整整下先發現無煉奶，

凍冰冰都要頂硬上去7仔睇下有無煉奶賣，無就要去惠康啦！

好彩7仔有得賣，返到屋企繼續整，搞掂晒預備整蛋糕之際又發現~~

未整餅底，唉！搞咩呀！唯有拿拿臨，整完放入冰櫃雪，

之後就整狗餅啦！

第一次整，我都唔知好唔好味，菲比好比面食咗兩塊...

卡通造型狗餅...

食物預備中...

分工合作...

有盤菜添...

上次寵物同樂日狗狗攞o既獎...

咁多獎杯，影翻張相先...

點知有家長聊菲比，菲比e晒牙，個個都話要影低佢e牙相，

我當然唔比大家影啦！哈哈！失禮晒，好彩個個都知菲比係惡狗。

開餐啦！

菲比條聖誕裙太大條啦！所以著咗媽媽織的溫暖牌，

開party先加條聖誕裙，等媽媽做做手腳，下年再著過先...

之後玩遊戲，交換禮物，

真係玩得好開心呢？

菲比抽到個零食球，我正好想買個比佢，

宜家唔使買啦！