點解會咁大頭蝦o架！

上編blog講到依日我會帶埋菲比入沙頭睇接新娘，

返到屋企同菲比換條裙，預備帶佢入沙頭角啦！

點知媽咪話接完新娘過中英街洗頭，唔好帶菲比去，

而且都驚佢過唔到警剛果關...

菲比﹕想點呀！又話帶我去街...

不過好彩無帶菲比去，因為我都過唔到關呀！

尋日件外套太薄，攪到我凍到振，所以今日換件厚樓，

因為同表姐去按摩果陣將個銀包同裝身份證、

禁區紙o既套放咗係牛仔樓度，

點知我記得攞翻銀包，又唔記得攞禁區紙同身份證，

仲要去到警剛先記得，結果就要落車！

個警察都好好人，佢同我講做咩咁大頭蝦，

就算我宜家比妳入，妳一陣點返出去呀！

於是我就行過對面搭車返轉頭啦！

對面個警察仲同我截埋車，哈哈！其實佢要上車查身份證啫...

好彩無帶菲比去，如果唔係都唔知點算，

揹住佢落車實比人知道我帶狗屈蛇，

又唔可以將菲比交比我阿媽帶入沙頭角先，

都好，我可以早d返去陪菲比，而且尋日唔夠瞓，

今日再唔夠就會好攰...

夜晚去飲無咩影到相，淨係攞人o地d道具o黎影下相...