沙頭角

28-10-2012

尋晚去完派對，今朝晨早就比阿爸叫醒，

一家人帶埋臭B入沙頭角同舅父舅母佢哋飲茶，

本來叫佢下個禮拜先入，

佢又話大舅母有鼻煙癌，個個都去睇過佢，

係我哋家人未去過，咁就順下佢意啦！

宜家警崗設係沙頭角邨口，

所以將駕車泊係擔水抗之後行大約5分鐘就到沙頭角啦！

菲比今次終於唔使屈蛇入沙頭角！

又係呢個牌，年頭第一次黎係度影過，

當時無帶針咭同狗牌，唔敢帶菲比入中英街，

今次咩都帶齊啦！仲唔帶菲比入去行翻轉...

呢到啲茶樓係比狗入o架！

有人聊菲比玩，佢又發輝見男人就吠o既本領啦！

好彩人哋唔趕你走咋，仲笑...

有無覺得唔同咗呢？

無無聊聊同菲比紮瓣仔...

肥仔好乖，舅父係裡面飲咁耐茶佢就等咁耐，

佢係舅父包租婆養o既狗，但好鐘意跟住細舅父...

個傻菲比，又想跟弟婦跑，

又怕我唔要佢，結果不停來回走黎走去...

如果菲比都識得咁，我就唔使帶咁多嘢出街啦！

平時吠爆大狗o既菲比，唔知點解又無吠肥仔喎！

越黎越大膽啦！

平時企咗上去郁都唔敢郁，宜家就不停向前行，

仲要去追貓添，影完相都係叫翻佢落地先得...

飲茶加行碼頭！咁就半日啦！