年初一

年初一啦！今年雖然無咗媽咪係度一齊過年，

氣氛當然唔會好，但始終都係過年，

唔理我哋自己家人都要顧下爺爺嫲嫲，

所以一樣有開年飯，不過今年o既開年飯再唔係媽咪煮啦！

阿嬸同嫲嫲煮o既開年飯！每年年初一第一餐都係食齋！

狗狗賀年全盒，菲比淨係食咗一隻角仔，其他都係媽媽同細佬食！

影下相相先

好難先捉晒三個坐定定，但三個都好唔合作

笑得好開心喎！

後來QQ加入，仲記得舊年我抱住三母女影相，

阿嫂放埋QQ落黎，媽媽即時跳前咬QQ，今年唔敢試啦！

都係企菲比隔離啦！

好合拍o既三母女

細佬芝麻仔

媽媽~~妹妹

換過件衫先落嫲嫲度食晚食，

一年就只有開年食同呢餐係嫲嫲屋企食...

食完飯兩個老人家抱住小蜜蜂，

諗住齊人，想影張四代同堂，

爸爸死都唔肯影，話點樣四代同堂，

我知佢諗起媽咪，但點都要影下相留念，

唔係好似媽咪咁，一張同臭B一齊影o既相都無...

食完飯返到黎，菲比好似好攰咁！

不過我都捉咗佢起身影相相

菲比﹕嘩！發逹啦！可以買好多零食！

大口仔﹕我前邊嗰啲係你媽媽o既！

你前邊嗰啲先係你o架！

爸爸今日打麻雀有收獲，比咗九龍仔，

菲比都有...