轉乾糧成功

要同菲比轉乾糧，真係得兩個字可以形容，

就係~~忍心~~

佢真係可以餓足六日，到第十二餐先食糧，

真係估唔到菲比咁硬頸，人o地成日話一餐兩餐唔食，

餓佢幾餐就會食，而菲比就餓足十一餐先食，

其間真係有d心軟，一度想放棄，

但又覺得如果中途放棄咁菲比之前餓咗咁多餐就係白餓的，

所以諗住堅持埋果個星期，七日，如果過埋第七日仲唔食，

我就唯有投降啦！點知個衰妹果晚就食咗兜糧，

火過之後又隔咗兩日先食，但係之後就每餐都清兜啦！

真係要GOOD下佢先得呀！佢到今日為止係第五日第十餐清兜啦！

我諗應該係成功啦！

第六日，第十一餐，都仲未肯食，真係又心痛又心軟...

果晚佢竟然清兜喎！

仲乖乖坐係到等獎勵添

之後佢隔咗兩日，先至肯食，連續三餐清兜，

第四餐眼見十五分鐘時限就過，佢又掛住玩公仔，

於是就放隻公仔上糧兜到，上編BLOG都提過，

佢以為公仔同佢搶食，結果乖乖食晒兜糧...

之後o既每一餐佢都係十五分鐘內完食...

當然每次都有獎勵啦！

行開寵物店，見有咁細包糧賣，

諗住買比菲比試下鐘唔鐘意食，

因為都想同佢轉糧，點知個老闆話依包係試食包，

即管攞去啦！嘩！咁大包試食包，依度都夠菲比食成大半個月啦！

依個牌子又係有細細包，又係諗住買一包，

點知店員叫我攞試食包試下先..哈哈！又兩餐...