出遊前夕

其實只係2日1夜的家庭旅行，

之前都諗過成屋人去晒旅行，咁菲比點算呀！

唔可以留佢一個係屋企兩日，又驚佢會周圍痾，

又驚佢會搞破壞，但又怕放佢係寵物店佢會好驚，

總之就好多野驚，所以都諗住唔去的，但又好小會咁齊人，

一家人去旅行，就膽粗粗去就去啦！最多放菲比返媽媽到，

等佢可以同媽媽細佬玩兩日，點知我又超淡定，

臨出發前的夜晚先打比堂妹，點知堂妹話阿嬸連屋企果兩隻都想掉出街，

兩隻狗狗宜家長期困籠，如果菲比去埋就要三隻困埋一齊，

我一聽到咁就都係米搞啦！三隻困埋一齊，好可憐的...

諗住帶菲比去愛犬站寄宿，但真係怕佢會驚驚，接返佢時有排搞，

堂妹話不如由得菲比係屋企，佢放工上o黎餵佢，

依個辦法我諗都好過將菲比放係愛犬站，起碼屋企有佢個安心窩，

但堂妹有時忙到連自己果兩隻都唔記得餵，會唔會唔記得上o黎餵菲比...

唉！總之就擔心死啦！果晚菲比仲好似feel到我將會去玩，

掉低佢一個係屋企咁，比我攬住瞓咗好耐，

我兩點幾瞓時攬住佢，到六點幾起身時都仲係攬住佢，

佢平時係趁我瞓著走咗去，搞到我真係好唔想去，

想留低陪菲比，菲比呀菲比，下次盡量都唔一家人一齊去旅行啦！

起碼唔使你一個係屋企，又唔使我掛屎丫o麻！

我未瞓時佢都係個安心窩到瞓緊，但我一拎起相機，

佢就即刻起身望住我，平時佢會瞓得好冧，無咁易醒...

係唔係已經知道媽媽要去玩，會掉低妳兩日呢？

一路望住佢，就越唔想去，唉！