大埔都可以熱鬧

寫完舅婆取孫新抱編blog後，

都想寫下上年細佬結婚o既開心時刻，

其實大埔都可以好熱鬧，不過就除時會比人投訴...



3-10-2010

細佬同弟婦拍拖十週年，所以選咗依一日行禮...

果日天氣好熱，差d熱屎個迷你版新娘腰腰呀！

小白露影相都好靚丫！

未開始影下相先...

真係好愛依對花仔花女呀！花仔係我朋友個仔，之前都淨係bb時見過佢，

都擔心佢會唔肯跟我，但係做花仔前幾日去元朗同佢玩咗幾個鐘，佢就話要跟我返屋企啦！

有無咁合拍呀！一個開眼一個合眼，另一張仲要掉轉添...

佢兩條友仔都唔知謀刹咗幾多菲林呀！哈哈！如果用菲林機的話...

去小白露前先去整整個頭...

4-12-2010

依日係食閑餐的日子，

我第二次見咁o既佈置啦！第一次係我阿哥結婚...

依班老人家話佢o地退休啦！要d後生o既搓湯圓比佢o地食喎！

上次阿結婚都仲係佢o地搓的...

唔緊要啦！只要你o地開聲話退休，總會有人去做的，

不過就可能無佢o地整得咁好味啦！

煮出來大埔湯圓同沙頭角湯圓係唔同o架！我比較鐘意食大埔湯圓多d...

見佢停係我o地果層，用部相機對住先，

睇下係邊個，哈哈！原來係細姨同大姨媽！

佢兩個一頭一尾，中間仲有十個，相差都好遠，

我細姨仲細個大姨媽個大女...

辛苦晒姑姐同叔婆，煮o野比我o地食...

另一邊預備材料...

咁樣一班人一齊食o野都幾開心丫！

夜晚食閑餐...

閑餐都食22圍...

學老人傳統爬龍船...

終於都到咗接新娘啦！腰腰套衫係佢o地兩個去影結婚相時係雲南買的，

著出o黎真係好靚呀！好多人問我係冰樹買...

依個係我大烏鴉...

到樓下啦！個個親戚都好比面，好落力...

今次兩隻舞獅一套鼓，無比人投啦！

上次阿哥結婚三隻舞獅三套鼓，結果有警察o黎，被迫中途完場，

不過好彩一對新人都已經返到屋企，如果唔係就真係掃興呀！

細佬佢o地一入門口，媽咪就走落o黎玩啦！果日媽咪玩得好開心呢？

不過佢身體唔好，我o地只可以滿足佢一陣，好快就比我阿嫂阻止住佢啦！

真係比依兩個伯娘笑屎呀！佢o地d造型同演技都一流o架！

個個都玩得好開心呢？

飲完新抱茶後來一張全家福，自此，我o地屋企又多咗一個人喇！

一個月零二日後仲多埋我o既寶貝菲比添...

終於到咗最後一個環節啦...

另類花女，佢o地原本話唔使花仔花女，費事又問人借個花仔，

所以無同腰腰著花女裙，點知最後又覺得有小朋友一齊進場好d，

所以搵埋表姪女同腰腰一齊行頭...

媽咪同阿嫂

個化裝先都唔知點搞o架！化到媽咪個裝唔知似咩，我堂妹同我化個裝都好過佢呀！

影依張相時我媽咪個裝已經比堂妹執過...

砵砵家姐

我真係當佢係女咁，我阿爸又當佢係女，哈哈！佢當然想做我個女多過我阿爸個女啦！

契女游完水經過o黎踩場...

兩個表妹，佢兩個係親姊妹...

都係兩個表妹，不過佢o地唔係親姊妹...

想同輩o既堂兄弟姊妹影張合照，但等來等去都唔齊人...

結果走埋個阿叔上o黎添，始終都影唔成，我仲同堂妹講，得我o地兩姊妹，

後來諗諗下仲有一個大我幾個月o既家姐，

仲有其他伯伯o既仔女，不過果d好少見，唔係好熟...

辛苦晒一對新人，辛苦晒 一班兄弟姊妹喇！