31-3-2012第六次探訪活動

哈哈！又有探訪活動，

菲比今日都有參與吖！

坐小巴去元朗，未出發先興奮...

又全程望街，搞到我想趁坐車瞓陣都唔得...

件衫啱啱好，影相出o黎又好似好細件...

康康第一次玩滾筒

菲比﹕點解無食物o既！

難得菲比比第二個人拖住又無掙扎返我到，

又有相機係身，緊係影低佢啦！

菲比玩穿梭棍

菲比﹕佢o地好犀利呀！

少爺尖望住人o地玩佢d玩具

影相時間，我都係你d蕃薯黎o架！

腰腰問我點解菲比下巴d毛白色o既！

自由活動時間

返屋企lu，巧攰呀！

今日菲比唔知點解對隻金毛波仔充滿敵意，

汳仔一係佢面前行過就又樸又吠，

我用手拍佢，佢竟然咬我，唉！

菲比呀！菲比，妳幾時先唔咬人呀！

自己同菲比剷毛(頭頂)

星期二先剪毛，今日又同菲比剷毛，

因為唔知係咪個長度關係，總係覺得菲比對眼d毛怪怪地，

好似好愁咁，所以自己同佢剷下個頭d毛...

剪完毛後影的，唔知點解影相影唔到個愁樣...

依隻咩都驚o既菲比，當然唔可以一來就夾硬黎啦！

又用咗個剷生食物，等佢唔好咁驚個剷先，

但到要同佢剷時都係唔肯...

都要半夾硬來，捉住佢個咀，佢就可以任我剷，

但如果唔捉住佢個咀，佢就死都唔肯剷...

剷完後個樣唔同晒...

都係睇慣菲比頭圓圓o既樣...

第一次剪到波波尾，好鐘意吖！

菲比第一次食牛骨，諗住咁大舊佢擔唔郁，

點知都係想擔上床食，當然唔比佢擔上床啦！

唔知咪大舊得濟呢？個衰妹唔咬，要我攞住比佢咬...

咬咗成個鐘我先發現有個關節位，沿住關節位用都切開佢！

就可以一分為二啦！咁樣菲比就可以自己咬，

咬到第二日都未咬完，

放工返o黎比我掉咗啦！咬咁耐都唔知得唔得...

27-3-2012第五次探訪活動

我o地又去"蘇蘇 Training"喇！

今次亦係菲比咁多次探訪活動參與得最多o既一次！

不過個衰妹真係感應媽媽o既心情o架！

我緊張時佢都緊張，企係後面叫佢坐就坐，

叫佢hi就hi，但當行前d小朋友度要同小朋友打招乎時就...

唉！無辦法啦！都要慢慢來啦！

今日問師姐使唔使影想，佢話唔夠人手，

所以無影到想丫！

不過到最後少爺尖同小朋友玩遊戲時忍唔住影咗d...

當然要同菲比影下相留念啦！天氣開始熱，

我諗菲比著埋今次衫衫要到年尾先會再著衫啦！

係百樂無時無刻影佢都係咁開心o既！

另一邊今日o既小朋友動力麻麻地，

成日都比少爺尖接到波波...

之後我o地去咗出邊，師姐試範花式動作...

少爺尖乖乖等媽媽...

又影下自拍先，如果張相影多d菲比就更靚啦！

師姐教完一個又一個...

之後我o地去咗屯門同菲比剪毛沖涼，

睇下少爺尖望住媽媽個樣，真係忍唔住要影低佢呀！

麻煩晒兩個師姐同師兄陪我等咗兩個鐘頭，

真係辛苦晒啦！

菲比﹕我靚唔靚女呢？

始終唔捨得對耳仔，所以都係留耳仔，所以個頭好似無咩剪過咁，

接菲比時佢o地有問我個頭夠唔夠短，我唔想師兄師姐佢o地又要等，

所以話ok就接菲比走啦！

好的開始

之前講過，要菲比好就唔好比佢痴身瞓，

所以前幾日開始就將原來放係床上面o既床仔放落地下，

菲比一路都無瞓過，只係瞓翻床上面原來放床仔o既地方...

可能尋日上堂管多咗菲比，所以佢真係無咁痴身...

尋晚菲比自己走咗去安心窩到瞓，

第二朝起身，我仲發現佢將原本放係床上面o既公仔、

嗅衫都搬咗去床仔到，可能佢知道果到先係佢地盤啦！

整整一日都無上過床瞓...

我應該早d聽清楚師兄師姐佢o地o既說話，

咁就可以早d改善菲比o既行為啦！

因為佢o地一路都有同我講要管菲比多d，

亦都有教我點做，可惜我大聰明啦！

學咗咁耐宜家先叫做掌握到d...

無諗過菲比咁快就瞓翻自己床仔，

感覺有d唔捨得，以後無得攬住菲比瞓啦！

其實咁都係為佢好，唔捨得都要放手，

唔可以再比佢自己話事啦！

菲比，我宜家有三個床位任我瞓！唔使同媽媽迫埋一張床...

25-3-2012遊學團

上星期返完學，話咁快又返學啦！

因為成個星期都比d鑽o野聲嘈到無得瞓，

收工怕瞓咗唔願起身，所以決定唔瞓搵o野攪下，

整咗奶酥狗餅同朱古力鬆餅...

攪到唔夠時間，又要坐的士去返學...

今日買咗盒藍梅比菲比食，

洗完比咗一粒佢試，佢唔知咩o黎！唔食，

後來我整開比佢食，結果佢一食就愛上啦！

係的士到比佢發現咗盒藍梅係狗袋入面，

所以係都要跳入狗袋坐，佢平時係唔肯入狗袋的，

每次都要我夾硬塞佢入去...

攞d藍梅引佢影相，叫佢笑就笑，

平時咁乖就好啦！

返咗咁多堂，影得最正經的就係依張相，

連校章都影埋，GOOD....

今堂師兄嚴格執行我對菲比o既管理，

全堂鎖匙唔可以離開手，又有另一個師兄係我身邊，

提住我有人經過喇！要good佢喇！管佢啦！

又唔比菲比坐係我兩腳中間啦！連腳同椅中間都唔得，

一定要佢坐係我左手邊椅以外o既地方...

所以今堂我都掌握到應該幾時開聲，

原來之前一路都錯晒，我會等d人經過咗而菲比無吠，

我先會good佢，原來係人o地黎之前，就要開始good佢，

等佢知道我係知道有人過緊黎，我會保護佢，

唔須要佢去保護我...

上完堂去咗個fd屋企，紅衫o既叫希希，黃衫o既係正正，

希希同佢媽媽講唔鐘意三文魚(我)，

話見完我之後要等N年先有得見，

搞到佢好掛住我，哈哈！都唔明一個四歲小朋友點解會識得講N年，

加上我對上一次見佢佢都係三歲，點解仲會記得我o既！

留咗d朱古力鬆餅比佢o地食，正正食咗2個半，

因為跌咗半個，佢仲要喊晒口添，

睇o黎正正最欣賞我o既朱古力鬆餅...

希希都話好味，不過就食得一個...

佢叫薯仔，今年十一歲啦！佢個名係我改o既！

想當年我經常都避開佢，佢每次都會走埋黎！

每次同佢講姐姐驚你，佢就會走...

佢係熊B，今年九歲，想當年每次見佢都比佢嚇到尖叫，

越叫佢越走埋o黎！唔叫都會走埋o黎！只係無咁快啫...

睇o黎菲比鐘意熊B多o的喎！

正正完全唔怕菲比，可能未識驚，淨係知菲比會咬人，

但未比佢咬過就唔驚，好似腰腰咁...

影影下菲比又走埋o黎...

仲識走去飲人o地d水添...