鑽到無得瞓之益咗菲比豬

樓下裝修，已經幾日無覺好瞓，

見今朝無帶相機同電話，散步一張相都無同菲比影，

反正係屋企都瞓唔到，所以帶菲比去行多轉，

無端端益咗菲比添...

四點零鐘樓下D球場無咩人，早上想搵個無人o既球場都幾難，

有o既可能跑兩跑又有人o黎！下晝反而好多球場都無人，

可能我真係太小依個時候出街啦！

一睇菲比個樣就知佢有幾開心啦！

見到佢依個樣，真係無選擇錯啦！

情願同佢落街跑下開心下，

好過係屋企聽果d鑽o野聲，

菲比依幾日係屋企都無覺好瞓，又變咗個無牙婆啦！

出o黎跑多轉，等佢攰d，返去就算幾嘈都照瞓...

睇落就好肥，但係其實得d毛...小黑熊...

係一邊門口出，係另一邊門口入，第一次真係比佢嚇死，

跑咗出去，叫極都唔返來，叫多幾聲有隻手係後面抓我，

原來個衰妹係另一邊跑咗返o黎！我又淨係向住佢跑出去o既方向叫佢，

所以佢抓我話我知佢係後面？！？

經常咁跑出跑入

見係個日候無人，由佢自己跑下啦！

有人又驚佢吠人，唔會比佢咁跑法啦！

又o黎stay，無難度啦！成個球場都無人...

仲可以坐好耐添...

大半個鐘，咩都夠啦！

菲比話仲未夠，跑下樓梯先...