打針

尋日無去到打針，今日先去...

好驚菲比會咬醫生，因為菲比宜家仲係好抗拒男人，

又唔肯比陌生人掂！邊個掂就咬邊個，

更可況仲要攞住支針桔佢添...

所以都問定師姐有咩方法可以令菲比安心d，

唔好驚，一切準備好晒就...

沖涼啦！打完針一個星期唔可以沖涼，



尋日又玩咗一日無沖到，都係洗完白白先去打針好d...

個衰妹比之前合作咗小小，只係個頭唔比掂，



所以個頭就由佢自己乾啦！

無梳過始終都係踭咗d...

不過無辦法啦！唔想迫佢又嚇怕佢...



洗完白白就出發啦！

無記性媽媽又發輝本領，

烚咗肉又唔記得帶，連最重要o既針咭都無帶，

唉！去到問下姑娘可唔可以照打啦！

佢o地話可以，下次經過開先比醫生簽翻名，

去到一個人都無，磅完重就入得去啦！

醫生想掂菲比時佢已經e起棚牙，

我就同醫生講佢會咬人，個姑娘就一手拉咗菲比過去，

然後就攬住菲比...咁就搞掂啦！

不過之後先醒起，原來醫生又無檢查下菲比，

又無同佢探熱，咁求其就完成咗任務，

仲好開心醫生今次終於無話菲比過瘦啦！

原來係醫生根本就無掂過菲比...

不過總算順利完成任務啦！

上年打針4-3-2011

2.60KG

今次打針5-3-2012

4.15KG

一年重咗3磅幾，唔知多定少呢？