三門仔

今日同菲比去咗三門仔玩，

要打麻雀o既就十一點零鐘去到，

我今朝先收工，緊係瞓翻陣先啦！

我唔係職業賭徒，我係唔會為咗打麻雀唔瞓覺...

瞓到點幾起身，先烚肉執o野，搞得o黎三點鐘出門口...

菲比﹕媽媽今日同我著衫，唔知係咪有街去呢？

菲比﹕我唔鐘意頭頂果舊o野...

影完相好幫我整走佢...

我o地到咗三門仔啦！

去到就有唔知咩螺食，抱住菲比，有日幫我整埋，正...

唔想打麻雀，所以咁遲去，點知有人比麻雀蟲咬，

搵人(鄧)腳，我去到就叫我打，唔想打，諗住叫表姐打，

點知表姐尋晚飲到成五點，酒醉未清唔打，

無辦法啦！唯有抱住菲比打麻雀...

依個失控菲比，一去到就狂吠人，

驚佢o既佢就吠得大聲d，唔驚佢兇翻佢o既！

佢就一路吠一路向後退，

有個同事對住佢話再吠煲咗你黎食，

佢即時狂吠，引到個個都係到笑...

條長拖帶幾好用，一邊掛係個身到，唔怕佢會走甩...

依個刺身真係好好味，連唔食刺身o既人都食咗幾舊，

更何況我o地依d食刺身o既人，真係食完一舊又一舊，

本來想比小小菲比試，不過都係好喇！

帶咗相機去都無用過，知道唔帶啦！

諗住同菲比影多d相的，點知又走去打麻雀，

打完麻雀個天都黑晒，影相都唔靚啦！

最愛瀨尿蝦

菲比﹕我sit得好乖，比d我食...

好彩烚咗d雞柳同雞軟骨比佢啫，

佢今日成日都搵我攞食，平時去街好少搵我攞食o架！

依個(蚊)鴨，老實講我阿媽整得好味d...

唔知咩斑，比咗d菲比食...

鮑魚我食咗兩隻，輸錢食多d，哈哈！

扇貝，一向都麻麻地...比咗菲比食...

依個花甲超好味，又肥又甜，我食咗好多...

依個好普通啫，咁o既價錢我情願買和牛去沙欄燒烤好過啦！

不過難得一班同事一齊去反，無計啦！

菲比是日唯一一張笑相，因為佢發現個個都唔驚佢...

今日菲比又咬人啦！仲要兩次添，

有個舊同事飲到醉醉地，走黎聊菲比，

見菲比想咬佢，就比手臂佢咬，菲比知道手臂咬唔到，

不停想咬佢隻手，佢就抱起菲比，菲比比佢抱住又好乖咁伏係佢身，

我仲話菲比無咁驚人喎！竟然比佢抱又唔掙扎返黎，

幾分鐘後先開始掙扎，佢將菲比比翻我，

菲比一翻我度就即時轉身去咬佢，

咬中手指公，搞到我幾咁唔好意思，

點知佢又話依d小意思，佢比粒螺絲釘咗入手指都係咁啦！

咁都好d，之後都好多人挑戰菲比，

有d可以成功摸到菲比，一d一伸手菲比就e牙！

都唔知菲比係點揀人的...

第二個比佢咬o既人就係我啦！表姐同兩個同事陪我坐的士，

因為入去時個小巴司機好衰，上車時唔叫隻狗要入袋，

等我嘟咗八逹通，佢就話放翻隻野入袋，

如果我上車時佢咁講我一定唔會搭佢駕車囉！

咩隻野呀！人o地d司機最多話放翻隻狗入袋啫，

我特登慢慢入，入得菲比入袋都已經到咗教育學院附近，

差不多落車啦！...但都覺得佢好過份，所以我話唔想坐小巴啦！

咁我o地四個坐的士去咗昌運食糖水，

唔知點解菲比對某個侍應充滿敵意，佢落單時我抱住菲比，

菲比隔住我表姐都想樸去咬佢，

佢都見到菲比對佢e牙！點知佢攞糖水黎時仲要係我隔離，

我一手擋住佢，叫佢去第二邊放低d糖水，

一手想禁住菲比個口，點知菲比已經想咬佢，

咁就咬中我啦！不過無流血，有個窿窿咁大把，

都唔知點解條街咁多人，菲比對果個侍應會咁o既！