散步加練習

尋日咁失控可能因為太耐無落街，

所以今日又帶佢落街散步，

希望佢唔好再失控，都想同佢練習下課堂學o既o野！

每次係課堂咩都唔肯做，唔知係唔係因為係屋企得我同佢，

課堂有好多人同狗o既關係呢？

今日果然無尋日咁失控，

但見到垃圾車、單車、跑緊o既人...都係會吠，

依d已經習慣咗，盡量都會係佢吠之前叫停佢先...

見佢乖乖地，放繩比佢跑下啦！

好耐無o黎依個公園啦！菲比對依個公園都好熟悉，

細細個就o黎玩，曾經仲日日都係到玩成半個鐘...

一o黎到就自己走上去玩啦！

以前我要坐係一邊，等佢唔好咁多出口走咗去，

宜家我企係側邊佢自己係上邊玩，sir完滑梯，

又自己係樓梯走翻上去...

不過佢好吠唔吠，走去吠個保安叔叔，

結果人o地唔比佢係到玩啦！

無辦法啦！鬼叫妳吠人咩！抵妳無得玩...

我o地行去另一邊，試下一路行一路同佢eye contact，

佢又ok喎！一望佢佢就坐，順便試埋stay先，

係課堂十次十次都唔肯做，但係係街又ok喎！

街都有人有狗，都唔明點解佢係課堂死都唔做，

連叫佢坐低都難過人o既！