不吐不快

尋晚返工休息果陣，

有個師傅突然問我隻狗點呀！

我答佢好好，

佢就問我幾時帶出o黎呀！

(佢成日都想我帶菲比比佢d狗搞)

我話同你d狗？！？

我一向都知佢係一個

不負責任o既狗主，

佢養狗只是為了看門口，

平時比冷飯菜汁d狗食，

仲要係兩日先有一餐食。

由得d狗不斷繁殖，

又會將d狗仔比d會食狗肉o既人，

所以一向都唔係咁

鐘意同佢傾狗狗問題，

費事搞到自己唔開心...

答完一句同你d狗後佢竟然同我講，

佢尋日(星期日)掉咗幾隻狗b係垃圾站，

我即時火都o黎，

你既然唔想要d狗b就唔好比佢o地生啦！

點解生咗又要掉咗佢呀！

你咁做同親手殺咗佢o地有咩分別呀！

佢就話咁下次有狗b就比我，

等我處理，

我就話如果你唔諗住要d狗b就唔好再比佢o地生啦！不負責任，

佢就話唔關佢事，隻狗毑起水，

d狗公自己走o黎佢屋企，

我話唔想要下一代就同佢o地絕育啦！

佢話佢都想知可以去邊到絕育，

我話獸醫診所，

佢問使唔使錢，我話緊係要啦！

佢話要搵d唔使錢，

我就鬧佢，兩公婆都做o野，

樓又供完，又無仔女，

都唔知留咁多錢o黎做咩！

又要d狗幫你看門口，

比人工佢o地都要啦！

我叫佢唔好再講，

我怕我忍唔住報警拉佢，

佢話d狗b都唔知去晒邊，

無證無據憑咩拉佢...

佢仲要話句求上帝原諒...

搞到我成晚諗住d狗仔，

希望有好心人經過救咗佢o地啦！

依d咁o既人渣，當狗命係咩呀！

上個月返夜班話比o野搞，

之後仲有兩晚都唔返，

調第二個師傅落夜，

宜家又夠擔返夜，

鬼唔望之前比佢害死o既

狗狗一隻二隻返o黎搵佢，

等佢無覺好瞓...