其實依個問題都諗咗好耐，
到底同唔同菲比
絕育好呢？
之前都有諗過如果要做
就係菲比六個月前做，
但有朋友話最好等佢起咗一次水先，
宜家又聽blog友話醫生話
起水前做第二時患乳癌的機會係零，
起水後做就仲有機會會患乳癌，
咁我係唔係要趁菲比仲未起水
就同佢絕育呢？
不過又好想菲比做一次媽媽喎！
真係諗到頭都痕埋...
最近依d相都影到菲比好愁呢？
唔通佢都知道我煩緊幫唔幫佢絕育...
菲比﹕媽媽，妳要幫我絕育，
係唔係要問過我先呢？
我都好想做媽媽喎！
(嘻嘻！全部都係設計對白)
其實係唔係要搵動物傳心術師，
問下菲比想唔想絕育呢？
我仲想問下菲比點解唔比人摸，
係街到人o地想同佢玩下，
佢就吠爆人...
要問其實好多o野都想問，
但唔知準唔準呢？
又唔知有咩途徑搵動物傳心術師呢？
個個都幫佢地d仔女諗絕吾絕育好諗到頭暈
回覆刪除我地都係諗住比奶昔同芝麻做左一次爸爸媽媽之後就幫佢地絕育
我有睇過一本書叫動物傳心師 佢係講動物傳心術果d
我記得本書好似講過話其實佢地吾係樣樣都明係咩意思 同埋呢d都係比你參考下佢地既意見
你影d相好令呢 可以影到菲比個樣 我地成日都影吾到芝麻個樣
[烈女菲比07/29/2011 21:16:00]係呀！我都想比菲比生一胎，不過可能係一至兩年後o既事...有時又諗不如到時搵過隻啦！但又好想比菲比試下當媽媽喎！真係唔知點算好...
菲比依排都好合作，影相會望下鏡頭，但都要零食引佢望實鐘頭，如果唔係佢會郁...以前都影唔到個樣，因為個相機近d都唔得，但換咗部新相機後，菲比無咁抗拒依部相機，我可以將部相機放到好近，佢都ok喎，所以影得佢個樣清楚d...
請考慮清楚如果生會點樣處理bb, 先好決定俾菲比生
回覆刪除因為當初我都有諗過生, 只係最後覺得照顧唔到全部, 亦無信心可以選擇適合嘅人, 所以打消咗念頭
當然其中一個非常主要因素係, 我仲未想分薄奶茶麥皮嘅愛住
[烈女菲比07/29/2011 21:19:00]其實宜家已經有好多人排住隊收留菲比d狗bb，因為菲比媽媽當時只生三隻，仲有d親戚分唔到狗b，所以佢o地話如果菲比生記住比佢o地先，當然到時我可能會唔捨得，所以要等細佬買到樓，同爸爸媽媽搬咗先，到時我一個人住，想養幾多隻都得啦！
我就覺得如果係自己既bb(即係菲比既bb)咁樣好似會親密多d
回覆刪除我之前都諗過好吾好比奶昔同出面果d人配 但係諗諗下
如果生左之後 第時芝麻又生 咁樣照吾照顧到佢地
個bb只係奶昔既 如果第時芝麻對佢吾好 咁個bb咪好慘
所以都係打消左呢個想法
[烈女菲比07/29/2011 23:12:00]既然你兩隻狗都唔係同胎，咁我覺得奶昔同芝麻自己生會好d，到時你教bb時想打bb，可能媽媽同爸爸一齊阻止你，到時就唔知好嬲定好笑，因為到宜家，菲比係媽媽身邊我o地都打唔到佢o架！因為佢媽媽仲會好保護佢o地...
諗清楚先啦! 再唔係問下醫生意見
回覆刪除[烈女菲比07/30/2011 17:46:00]有好多時間比我諗，因為就算比菲比生，都要一至兩年後先會比佢生...
我以前都有你這樣的想法, 覺得Memory天生天養, 就算不讓牠生, 都不用夾硬要牠做手術. 不過自從發現牠有乳腺腫瘤, 又同時發現牠有肝問題, 我就有另一種想法. 因為年輕做手術, 牠身體好, 只要專心應付一種手術的狀況就夠了. 幸好, 糾纏了一年後, 終於可以冒險幫牠做絕育手術, 做完手術後, 就再無發現牠的腫瘤又增大跡象, 表示對牠有幫助.
回覆刪除不過有一點我和你不一樣的, 就是我從來都沒有打算Memory做媽媽, 因為我知道我無能力養牠的所有兒女, 又無能力肯定其他人可以好好照顧牠的兒女, 所以我再養狗都是收養的.
至於熙熙, 等牠適應我家生活後, 我都會帶牠去做絕育手術.
[烈女菲比07/30/2011 17:52:00]其實我都知道絕育對狗狗的身體係好，但我自己又想養多一隻，如果要收養或買其他的，我想不如等菲比生一胎，因為始終由bb睇住佢大，感情會好一些，因為我都係由bb一路睇住菲比大，所以我同佢o既感情好過同之前o既bebe好多好多，不過都唔急於要決定住，因為要比菲比生都要等多一至兩年，同埋如果佢生的話都已經有人要佢d狗bb，我絕對唔會將d狗bb隨便比人的...