闖入禁地

媽媽張床一直都係菲比o既禁地，

不過菲比都經常會闖入禁地的，

但如果媽媽係房或床上面

菲比係絕對唔會咁做的，

連佢o地間房都唔會入添...

但如果媽媽唔係房，菲比就，

試過爸媽係床上面睇電視，

菲比係我張床瞓緊覺，

媽媽起身去洗手間，

菲比又起身，媽媽一踏出房門，

菲比就即時跳上媽媽張床，

依個時候爸爸通常都會大叫，

你個衰妺，咁快又跳咗上o黎，

真係精過鬼呀！...

總之媽媽係房佢就唔會入去啦！

但上星期爸爸去咗食飯，

我就去咗佢o地間房睇電視...

起初以為媽媽係隔離，

菲比唔敢入o黎。

點知個衰妹咁大擔，

連媽媽都跨過一跳就跳咗上o黎。

我爸媽佢o地張床比一般o既床高，

平時就咁跳都係啱啱跳得上，

無諗過菲比會跨得過媽媽跳咗上o黎。

跳到上o黎仲要笑笑口。

我即時走過隔離房攞相機，

佢又跟我走過去，

媽媽即時攞住支不求人，

睇下菲比仲敢唔敢跳上來。

點知個菲比為咗做痴媽B，

連不求人都唔驚！

又係一o野跳咗上床...

起初都只係o係床尾，

但媽媽連床尾都唔容許菲比係到，

攞支不求人趕佢落床，

我睇唔過眼，點解阿Q可以上，

菲比就唔可以上呀！

於是我叫菲比過o黎我到。

睇下菲比幾無耐...

菲比﹕我都係想搵媽媽啫...

點知個衰妹走到過o黎又挑戰

我媽媽，向住媽媽一路翁咀，

一路一聲一聲咁wu，

媽媽就攞支不求人o黎打佢，

點知個衰妹識得用手去擋，

一路擋一路走翻去床尾，

好攪笑...

依張影唔到佢擋，啱啱隻手放低咗...

依張又影唔到支不求人，

其實菲比係想咬支不求人...

http://www.youtube.com/watch?v=AU_gO5oAHD0

想拍低菲比用手擋不求人，

但佢好似知道人o地拍緊佢咁，

擋下唔擋下，又要(聊)好耐先擋一下...

 

見人o地可以直接係Blog到睇到d片，

但我唔知點整，

有無人知道點整呢？

可唔可以教下我呢？