元朗行

堂妹因為o黎飲五叔婆果餐，所以留係我屋企瞓，

第二朝要返學校補課，本來佢自己一個坐小巴返去的，

但我見咁耐無入元朗，所以就陪佢去元朗。

見尋日無咩陪菲比，所以帶埋菲比去，

但就遇上一個自己養狗，但又唔喜歡狗狗o既司機，

我同堂妹上車時，我係揹住狗袋抱住菲比上車的，

個司機都見到我o地上車，但竟然我o地係車上坐咗

成二十分鐘佢先o黎同我講，狗狗係唔可以搭車的，

我就話咁我放翻佢入狗袋，

佢仲要一路行返司機位一路話，

我自己養狗玩完狗都要洗手啦！D狗污(租)家麻，我心諗，

咁巴閉就米養啦！一早上車又唔講，

要我o地坐咗咁耐先出聲，搞到要轉車又唔係，

唔轉車又唔係，最後我都夾硬塞咗菲比入狗袋，

佢雖然有淨扎，臨到元朗時間唔中有吠兩聲，

都總算乖乖係袋到，係佢o既第一次，

但我又覺得香港比對狗狗o既設施真係好少好少，

好多地方都唔比狗入，連交通工具都唔可以上，

不過我帶狗坐小巴好多次，

從來都未試過有司機話過唔比狗上，

我仲見過有人直接比狗狗坐係自己隔離添...

唔通係香港養狗一定要有錢人，出出入入都有車接送，

或者的士去，的士返...

點解火車唔可以留一卡出來比帶寵物o既人坐，

咁寵物就唔會騷擾到人啦！...

帶菲比去另一個原因係想

帶佢去北京寵物店問下腳枕o既事。

結果店員就介紹咗係隻葯膏比菲比，

隻葯膏又幾好喎！

中午同佢搽，(仲有滲血)

夜晚就結焦，我都放心晒...

菲比﹕媽媽又唔早d買，

搞到我幾日無得落街...

去得寵物店又點會淨係買葯膏丫！

又買咗條新狗帶，依條狗帶雖然貴d，

但又真係幾好用...

去街水樽，之前果個佢嫌慢，唔肯用，

所以買過個比佢...

絲瓜蝴蝶

口罩，已經係最細，但條帶都太長...

潔齒骨...

零食一包...

 

菲比今日好叻叻，

我要入吉之島十蚊店買o野，

塞咗佢入狗袋，平時佢實整開啪鈕，

係都要出翻o黎，

但今日佢掙扎咗一陣就乖乖係袋入面，

到我比完錢，

一出門口佢就即刻(娟)出o黎！

我已覺得佢進步咗好多啦！