第五當義務訓犬班

到咗第五堂啦！今堂唔知係唔係我自己唔係狀太呢？

星期一晚收十一點，夜晚成三點幾四點先瞓到，

第二朝要六點起身返早，實在有點攰，

見下個星期最後一堂，所以決定都係請假，唔想再烏下烏去上堂，

今堂環境唔同咗，所以菲比不停想撲上我到，

今堂好似無咩教過o野咁，因為負責跟進菲比o既姐姐今日要處理第二隻狗，

所以都好小理菲比，有時會叫我同佢玩佢識o既！

但我今日唔記得烚肉比菲比，無獎勵，環境又唔同咗，

佢又點會乖乖就範丫！玩跨欄時又係，菲比次次跳完第一條，

第二條欄就走側邊過，唔知係我求其拖定係菲比唔想玩呢？

不過菲比今日係人比o野佢都食，仲食得好博命添，

之前幾堂最後一次玩跨欄d師兄師姐會用手放咗好多食物，

等佢o地跳完就去食，但菲比從未食過，次次都要我伸手去接佢o地比o既食物，

菲比先食，但今堂就...菲比食到唔肯跟我返位呢？

八掛妹成日都會望街，想同佢影張相都唔得...

明明望緊境頭，一聽到聲就...

好難先影到張側面...

無咩做過都瞓成咁...好可愛丫！

姊弟、母女裝

終於都買到一件姊弟裝比佢o地啦！

之前睇o岩一條工人褲，

但原來細細佬糖糖唔可以著連埋腳仔o既衫，

所以又要搵過，

有時睇啱又唔齊碼，又時想同款三個色又無，

終於搵到一件唔太男仔，又唔太女仔的啦！

就係依件啦！一件4碼係菲比的，兩件3碼係芝麻仔同糖糖的，

好期待佢o地三個一齊著住去反的日子呢？

佢o地三個第一件的姊弟裝，當時菲比明顯比兩個細佬細粒！

終於完成條冷裙啦！亦係菲比同媽媽的第二件母女裝，

今年年頭都買咗一件母女裝比佢o地，不過當時件衫菲比未啱著，

唔知妹妹有無著到殘晒呢？無的話佢o地今個冬天可以一齊著啦！

其實細果條菲比著得好好睇，不過就嫌佢短著小小小小...

只係好小，所以諗住織條長小小的比佢，又可以將條短d比妹妹，

因為菲比大隻過媽媽小小...點知就好似織得太大條咁，

希望遲d毛長d，著得會好睇d啦！

好似好大件添，唔知d毛長d會唔會(燦)開d呢？

長度其實啱啱好，不過一坐低就拖地...

效果我都好鐘意，著咗媽媽o既溫暖牌，

今個冬天就唔怕冷親啦！

哈哈哈！

晚上散步

星期日，好似好多個星期日都無陪菲比啦！

本來諗住同菲比去大尾督反下，

點知尋晚無瞓，今日一瞓瞓到成四點，

食下o野已經五點幾啦！

自從返中班後都無係屋企食過晚飯，

今晚都係留係屋企同屋企人食下飯，

所以又無去到大尾督啦！

咁唯有夜晚同菲比去散步啦！

我o地又去咗一田側邊個公園，

菲比仲係超細膽囉！一去到就成日想樸返我到，

一抱起佢就鉗實我唔放，好辛苦先放翻佢落地，

點知一隻狗狗走埋o黎佢就...

依隻芝娃娃細隻過佢好多，所以佢唔驚，

不過人o地一郁，佢就又想樸翻上我到...

係果到個幾鐘頭，全程無離開過我，

除咗去聊隻芝娃娃，不過都唔係走得太遠，

個個都話佢痴身，正一痴媽B...

咁多狗狗唔去一齊反，企係我腳邊做咩呀！

菲比﹕快D抱我呀！唔係我發火o架！

本來已經驚驚o既菲比，一見到依隻狗，

即時不停樸我要我抱佢，唉！唔想嚇親佢，

都係抱起佢啦！

見佢咁驚，試下佢肯唔肯入狗袋，

即時九秒九成隻捐咗入狗袋，

不過我諗住攞電話影相時佢又伸翻個頭出o黎啦！

玩到咁上下，要返屋企啦！

由公園行返屋企大約二十分鐘，

佢全程無用狗帶，又無樸單車，因為我會先事no咗佢先，

只係有兩次有人跑緊步，我見佢無咩o野！

所以無no佢，佢就想去樸人，但一叫就即刻返o黎！

都未至於樸到人o地隻腳就返咗o黎啦！

GOOD，以後放狗輕鬆得多啦！

媽媽真係咩都驚

星期三早上，諗住菲比之前上堂都食咗好多o野！

所以都唔敢比太多o野佢食，只係比咗幾舊肉肉佢，

加埋都無四份一條雞柳，但菲比兩點幾無端端係我張床到嘔，

之後就係咁咳...，佢又好似咳唔出咁，搞到我都唔知點算好，

又就要出門口返工，又要清理現場，之後諗住攞d床單去浸，

發現廳、厠所、廚房都有菲比o既嘔吐物，即刻入房睇下佢，

佢仲係到咳緊，咁住又係佢張床仔到嘔，自己都唔知點算好，

對住佢真係喊咗出o黎囉！諗住打電話返公司請假陪佢，

點知公司電話打極都無人聽，菲比又開始無咁辛苦，

仲係到玩玩具喎！所以我都係拿拿臨搭的士去返工，

返到公司就打比媽咪叫佢返屋企睇住菲比，有咩事就打比我，

但總係心掛掛咁，唔知係自己擔心過頭丫，定係嚇親，

有同事問我係唔係唔舒服，我話唔係，佢話點解我面青青，

我都唔知喎！因為平時我塊面係紅卜卜的，

果日唔紅佢o地就以為我病，有個知道菲比嘔o既同事就話，

妳個女病啫，又唔係妳病，點解妳面青青o架！

可能真係比菲比嚇親啦！

之後先知原來可能係菲比上堂時食得太多唔同o既食物，

腸胃唔適應，所以上完堂後有咁o既反應係正常的，

真係嚇c我啦！第一次見菲比咁辛苦，

真係情願嘔果個係自己呀！...

嘔咗一轉的菲比，趴咗係到唔原郁...

依d相係夜晚放工返o黎先影的，

明顯有翻d精神，我先放心晒咋...

菲比﹕我都叫妳唔使擔心咯，妳唔知咩！

我係妳身邊玩係話比妳知我無事丫o麻！

我仲笑住送妳出門口...

係呀！菲比平時要我比零食佢先比我出門口，

但果日我唔敢比零食佢，怕佢食完又嘔，

我出到門口，望下菲比，

佢趴係我張床到笑笑口咁望住我，

唔通佢真係話比我知佢無事，叫我唔使擔心...

又破壞王

菲比正一破壞王，成日都咬爛o野！

今次仲要咬爛媽媽為佢預備o既生日禮物...

係愛犬站訂咗條頸帶比菲比，佢打o黎話可以攞得，

本來諗住第二日返工前去攞的，咁o岩砵砵打o黎話出緊大埔，

就叫佢同我攞埋返屋企啦！點知砵砵返到屋企就將條頸帶放係枱面，

咁就比個衰妹咬爛條頸帶啦！

菲比，我都唔想o架！但無理由有o野咬都唔咬的o麻！

完本靚靚的頸帶，

諗住送比菲比其中一份的一歲生日禮物，

咁就比佢咬到用唔到啦！

其實都可以用的，不過我自己接受唔到囉！

菲比﹕媽媽唔好嬲啦！

最後我竟然去買多三條頸帶返o黎！

都係因為唔知買邊隻色好，起初諗住買翻桃紅色的，

諗諗下無理由又買翻桃紅色，結果買咗紫色，

但返到屋企諗來諗去都係鐘意桃紅色，

最後第二日諗住去買埋桃紅色，見到條紅色，

不如果埋啦！所以就買咗三條頸帶啦！

仲要係第二日發現有到地方平愛犬站成十蚊有多一條，

四條加埋我可以買多一條半啦！

唉！都無辦法啦！邊個叫我成日都咁心急，

想買就去買，又唔行多幾間先...

菲比﹕媽媽買多幾條返o黎！即係唔嬲啦！

菲比﹕我下次唔咬依d啦！咬d我鐘意o既！咁媽媽又買多幾件返o黎！

哈哈哈！

菲比有幾愛薑餅人

 

 

到底菲比大幾愛薑 餅人，

大家睇相就知道啦！

菲比除咗有一次揀咗藍精靈外，其餘的都係揀薑餅人，

佢fing兩fing藍精靈無聲後都立即去搵翻薑餅人，

真係好采無唔見到隻薑餅人...