久違了的菲比午餐

自從為咗要帶菲比去訓犬班而轉咗中班後，

真係懶咗好多呢？每日都瞓到返工前先起身，

跟住放工先夜媽媽放菲比，跟住就整下o野，

睇下電視，起碼都成四、五點先瞓，

跟住又臨返工先起身，所以都無時間去買材料整o野食比菲比，

菲比通常隔日有烚肉食，而乾糧就長期供應，

不過都係倒多過食，真係好想忍心d餓佢幾日，等佢食翻乾糧呢？

有一日菲比食緊佢o既鴨肉同雞柳，

我食緊手打烏冬，比小小佢試下，點知一試就出事，

佢坐係到等我比烏冬佢食，d鴨肉同雞柳唔食，

菲比真係識食，情原食手打烏冬都唔食d鴨肉同雞柳...

所以第二晚偷咗阿媽一個節瓜滾湯，加d雞柳同節瓜粒同手打烏冬，

就成為菲比的美味午餐啦！唔係應該係晚餐先啱...

佢真係好鐘意依個烏冬...

食得好快...

起初仲以為佢會食剩d節瓜...

最後係清兜，仲要lam埋個兜邊添...

唔知點解菲比每次食飽後都會係我張床發癲...

所以每次佢一食飽我都日要九秒九同佢抹咀，

如果唔係我真係要日日換床單呀！

媽媽﹕菲比...

菲比﹕咩事呀！

媽媽﹕不如你以後食翻乾糧好唔好呀！

淨係過年過節先HM啦！

菲比﹕唔係掛！真係咩心機都無晒呀！