搵相o既時候睇到腰腰細個時o既相，
有一次佢屋企人要去送佢叔叔，因為我返夜，所以無去，
佢阿媽又唔想帶佢去，所以就放係我屋企跟我，當時佢係痴媽b，
淨係跟佢媽媽同大家姐，所以不停喊喊喊，
我屋企人都去咗送果個叔叔，所以無人幫我手，
o岩o岩收工已經攰到屎，仲要對住個大喊包，
當堂火都o黎埋，唔理三七廿一，攬住佢唔比佢郁，
跟住自己瞓覺，點知佢又喊喊下就瞓咗喎！
怕佢起身，所以搵個枕頭放係佢背脊到再攬實佢，
結果開住冷氣佢都瞓到成身汗...
喊到超可憐...
見到大家姐又喊，可能話比大家姐聽佢好可憐啦！
比包紙巾佢，都玩咗一陣...
諗諗下又喊...
家姐抱抱就收聲啦！
哈哈！有人返o黎又唔喊，唔知真係以為我蝦佢呀！
伯娘抱抱都ok喎！
我覺得係佢蝦我多d囉！趁我無瞓考我忍耐力...
同時發現阿be依張相，菲比要舉手先掂到張床，
但阿be就係雙手可以搭住張床...
阿 be 是菲比的親戚嗎?
回覆刪除[烈女菲比10/07/2011 00:58:47]唔係standard poodle呀！佢身型就有咁大，但就無咁高，我買佢時個老闆娘話佢大定都只係一格階磚咁大，就用咗八仟八蚊買咗佢，因為買o既時候佢頭頂有d皮膚唔好，o黎咗我屋企成個月都未搞得好，老闆娘叫我放低佢比佢o地搞，結果我隔幾日去探阿be，佢就好似一次比一次大，到十日後接翻佢時佢比我放低佢o既時候大咗成倍，如果唔係佢識得應我，我都唔會要翻佢呀！
[三水媽回覆10/06/2011 12:50:28]50 磅???????? 係 standard poodle 嗎?? 咁好大隻喎!
[烈女菲比10/06/2011 12:33:02]以我去探佢所見，佢宜家當然快樂啦！宜家媽媽同屋企人都好錫佢，好鐘意佢，屋企地方又大，又有兩隻狗哥哥陪佢玩，我將佢比宜家媽媽時大約二十磅，當時就o黎一歲，但上次去探佢我諗佢有成五十磅，我都抱佢唔起啦！應該都係好食好住。
[三水媽回覆10/06/2011 09:56:07]我聽完都一肚火啦, 佢都唔係一個真心愛狗狗的人. 阿 be 真係好可憐呀, 比人咁對待, 我都睇唔過眼! 但阿 be 而家生活得快樂嗎?
[烈女菲比10/05/2011 01:10:08]因為佢心目中只有自己隻狗，佢只會覺得佢隻狗會痛，阿be又大隻，佢隻狗又唔鐘意同其他狗玩，一齊玩親都會wu wu聲，你咬我時我咬你，佢隻狗又淺色，所以會見到明顯傷痕...其實阿be都有傷的，但阿be黑色，所以見唔到，佢就當淨係佢果隻有事，又捉阿be來打，邊個叫佢成日怕依樣怕果樣，阿be一到第六七日未沖涼又話阿be污(租)，困佢隻狗係房，到阿be沖咗涼就話香晒可以同佢玩，佢果隻成個月先沖一次涼佢又唔覺得有問題...總之佢郁d就要分開佢o地，攪到佢隻狗唔鐘意同狗玩，成日困阿be入籠，你諗下阿be的身型，入咗籠阿be郁都無得郁，仲要低頭做狗添，所以成日為咗衣d事嘈，我會鬧佢想分開佢o地就困阿q係房，佢就話咁阿q好慘，無得走，其實佢果隻得阿be的五分一，又唔多郁，困係房都無問題，我就會話佢間房大個籠咁多你會覺得阿q慘﹐咁阿be入咗籠郁都無得郁你又唔覺得佢慘...唉！總之提起佢對阿be的總總，我就會一肚火啦！...
[三水媽回覆10/04/2011 09:53:23]下? 佢都係養狗的人, 點解要打狗狗? 阿 be 得罪佢嗎???
[烈女菲比10/04/2011 00:41:14]係呀！我阿嫂心裏面就只有佢隻狗，不過佢宜家對菲比都唔差喎！可能唔係一齊住，無衝突啦！阿be比人時差不多一歲，我養咗佢大約八個月，我大約一年會去探阿be一次...
[三水媽回覆10/03/2011 14:09:47]下, 阿 be 好可憐呀比人打. o個陣佢幾大個呀? 而家仲有冇見佢?
[烈女菲比10/03/2011 13:56:04]唔係呀！阿be係我以前養o既！但當時同阿嫂住，佢又實在太大隻，成日都比人打，有次我仲同我阿嫂嘈，嘈完仲帶埋阿be去返工，結果我收警告信，同佢關係搞到越來越差，之後諗諗下，與其阿be係屋企又唔夠活動空間比佢，佢真係成日都撞埋牆，又成日比人打，不如睇下有無人肯收留佢，又好好彩，幫佢搵到個好好o既新媽媽，佢宜家係果個家庭又有兩個哥哥陪佢，而新主人o既屋企人又錫晒佢，係果度佢真係萬千寵愛呀！...
腰腰細細個果陣都好得意啊,眼大大,好令女啊
回覆刪除[烈女菲比10/04/2011 00:44:32]係呀！所以我成日都比佢攪到要去天水圍搵佢...到佢開始知道跟我開心過跟媽咪o既時候，佢真係唔肯返屋企，成日都叫我做(may芝媽咪，我花名其實叫妹芝，不過佢讀唔正)，聽見又覺得好心甜，成日都要佢叫我...