又到星期日

今個星期日一早就計劃咗中午起身，

去旺角行一轉，

諗住買三件一樣o既衫仔比菲比佢o地三姊弟，

然後返屋企帶菲比去大尾督行一轉的。

點知尋晚收工我阿媽問我入唔入沙頭角，

我問佢做咩無端端入去，佢話表哥一家前幾日返咗香港...

咁點好呢？又想去旺角買衫仔，

又唔想菲比自己留係屋企咁長時間...

本來諗過早d出旺角，然後返屋企帶埋菲比入沙頭角，

但又怕d小朋友驚，又怕d小朋友摸菲比時會比菲比咬...

最後媽咪話帶埋菲比去，咁過中英街食飯時菲比點呀！

係喎！菲比唔過得中英街，到時如果困佢係舅母屋企，

怇會好驚，因為陌生環竟加見唔到我...

之後我決定今個星期唔去住，

反正表哥佢o地都唔會返來一星期就返英國的...

於是就照原定計劃，先去旺角後去大尾督...

但係旺角行行下街我阿媽打o黎話表嫂問我入唔入去，

唉！點好呢？又抽住一大袋戰利品，

都係返屋企放低d戰利品，順便陪菲比一陣，

入到沙頭角先知原來表哥佢o地已經返咗香港三個星期，

明天就搭早機返英國喇！真係比我阿媽激c呀！

人o地返咗o黎三個星期佢就話幾日，

搞到我咩都無買比個表姪仔，

唯有食完飯同佢去惠康行下，睇下佢有咩想買返英國食啦！

結果佢揀咗一包大大包o既薯片，而且仲係英國都有添，

我同佢話不如買d英國無o既薯片啦！

例如卡樂X，佢話卡樂X英國都有啦！

係喎！英國都有卡樂X啦！不過買一包o既價錢係香港可以買幾包呢？

佢話英國無依種味，指住佢攞住果包薯片，

算啦！最緊要佢開心，我叫佢不如買多幾包啦！

佢要一包就夠...一路行我同佢話我之前係英國都住過佢屋企，

佢仲係bb時，我成日抱佢瞓覺，佢當然一d印象都無啦！

都成七年幾前lu我同佢講我係英國都好鐘意食佢揀咗o既果包薯片，

不過係BBQ味，佢話佢都好鐘意食BBQ味，但佢o地英國唔係叫BBQ，

係叫巴別橋，哈哈！七歲幾人仔，講說話老積到C...

兩年幾前佢o地返o黎！

我o地撐船仔去扒蜆，玩得好開心呢？

全男班扒蜆...

男人真偉大，又要推船，又要撐船，因為個摩打壞咗...

叫佢同姑姐影張相，佢竟然話佢個xx姑姐係屋企，

我同另一個表妹即時話我o地都係你姑姐呀！

好鐘意依張背影...

同佢o既第一張相，當時佢得八日大，

係一個long baby，因為佢真係好長，我隻手按住佢膝頭哥咋...

期待佢o地一家下次再返香港o既時候...