第四堂義務訓犬班

又到一星期一堂的訓練班喇！

今日菲比好叻叻，一去到就自動波自己坐係地下度，

無樸上我度，到玩跨欄時佢比上一堂更快有反應，

人o地都未叫佢，叫到...佢已經吠，好似叫人o地叫佢咁，

上堂佢要叫咗佢佢先吠一聲...佢今日又肯跟果個師姐行啦！

係元朗同砵砵腰腰食飯時，腰腰又話要拖菲比，

其實都好驚菲比會扯跌腰腰的，所以都教定佢如果菲比扯得太大力，

就放繩，唔好夾硬比佢扯住走...

點知菲比都肯比腰腰扯住行咗一陣，雖然佢有望翻過o黎！

但腰腰已經好叻，成為第二個我在場而可以拖菲比的人...

不過背景就多咗兩個路人甲o既聲...

今日去程有單邊位，菲比唔使屈係狗袋啦！

仲好鐘意睇風景添...

睇到攰就瞓下啦！有無發覺菲比又用返佢條bb項圈呢？

因為上次買果條紅色頸繩真係唔掂呀！

只會越扯越緊，唔會自己鬆翻，咁會好危險o架！

上堂用咗一陣，個師姐就借咗第二條比菲比，

我問佢咁其實買邊隻好d呢？佢就話菲比之前用果條都可以，

不過太大條，但我搵咗好多間就係得果條係最細，

咁用頸圈得唔得呢？佢話可以，所以我就搵翻菲比bb時用o既頸圈，

都拖得好好，我諗菲比好快就可以用翻胸帶啦！

我今晚唔想又趕唔到尾班車，又要屈蛇坐成個鐘巴士返屋企，

所以就決定直接由果度坐的士返屋企，個衰妹臨出門口開大和，

又搵唔到垃圾筒，攪到我要攞住袋金由元朗返到屋企樓下...

菲比係的士到攰到想瞓覺...