自己同菲比剷毛(頭頂)

星期二先剪毛，今日又同菲比剷毛，

因為唔知係咪個長度關係，總係覺得菲比對眼d毛怪怪地，

好似好愁咁，所以自己同佢剷下個頭d毛...

剪完毛後影的，唔知點解影相影唔到個愁樣...

依隻咩都驚o既菲比，當然唔可以一來就夾硬黎啦！

又用咗個剷生食物，等佢唔好咁驚個剷先，

但到要同佢剷時都係唔肯...

都要半夾硬來，捉住佢個咀，佢就可以任我剷，

但如果唔捉住佢個咀，佢就死都唔肯剷...

剷完後個樣唔同晒...

都係睇慣菲比頭圓圓o既樣...

第一次剪到波波尾，好鐘意吖！

菲比第一次食牛骨，諗住咁大舊佢擔唔郁，

點知都係想擔上床食，當然唔比佢擔上床啦！

唔知咪大舊得濟呢？個衰妹唔咬，要我攞住比佢咬...

咬咗成個鐘我先發現有個關節位，沿住關節位用都切開佢！

就可以一分為二啦！咁樣菲比就可以自己咬，

咬到第二日都未咬完，

放工返o黎比我掉咗啦！咬咁耐都唔知得唔得...