失控之散步

菲比原來有成兩個月無落街散步啦！

因為凍啦！地下濕啦！腳仔流血啦！唔啱時間啦！...

總之就係媽媽懶啦！搞到菲比咁耐無落街散步...

咁耐無落街，緊係開心啦！

不過個衰妹見人就吠，抱住又吠，自己行又吠，見到狗又吠，

見到單車、垃圾車更加厲害...

吠到我都唔好意思，差啲想係街到發顛...

好似d師奶鬧仔咁...好彩我啲EQ唔係太低，我忍...

明明係球場跑緊，仔狗係幾條街咁遠，

菲比一支箭咁又吠又跑標出去...

都係上翻條拖帶先...

唔使係到扮可愛喇！今日係唔會再放你自己跑啦！

菲比﹕比我跑多陣啦！

咁都唔得...

有狗帶一見狗都標，又係到吠吠吠！

菲比，妳係唔係以為條街係妳o架！

將佢綁埋一邊扮唔要佢，

點知個衰妹都唔知驚定唔驚！

又叫到超可憐，

但又笑笑口喎！

不過之後佢定咗d，無見人就吠...