突然醒起

尋晚返工突然醒起師兄佢o地上次上黎教過我點令菲比唔吠單車喎！

因為好耐無同佢落街散步，所以完全忘記晒添...

所以今朝收工一返到屋企就同菲比落街...

預備埋零食，係見到單車前就no定佢先，

佢無吠就good佢，等駕單車走遠咗就扮驅趕駕單車...

效果都幾好，最少迎面黎o既單車十駕菲比吠咗一駕左右，

始終都係我反應比較遲鈍，成日都駕單車駛到埋黎先發覺，

而後面黎果d單車，十駕有八駕都係菲比發現先，

一見佢唔行就no佢，因為我知佢應該見到單車，

但都太遲，單車已經到咗，佢都吠咗，

之後就再no佢啦！再繼續扮驅趕啦！

到後來有單車經過我都唔記得no佢，

但菲比就淨係望住駕單車，無吠佢喎！

我即時好開心咁good佢啦！都未試過係條街到good得咁大聲，

咁大反應，哈哈！唔知有無嚇親人呢？

今日我o地去咗依個公園，以前成日都同媽媽細佬一齊o黎！

宜家就得翻菲比自己o黎！對上果次都有腰腰陪跑...

無人陪跑陪玩，菲比唯有自己同自己玩啦！

媽媽真係有氣無力陪妳跑啦！

好彩佢都玩得好開心...

明明跑緊上樓梯，見我無跟去就即時掉頭...

企定定好似想問我做咩唔跟住佢呀！

影咗好多張相都無郁...

菲比以為自己係咩呢？竟然咁樣一跳就跳過幾級樓梯...

好彩地下唔係硬啫...

細個可以跑上滑梯，反而宜家大咗跑唔上喎！

比佢笑屎...

開心的早上，比大頭蝦媽媽唔記得帶水破壞咗啦！

本來可以玩耐d，但無水唯有返屋企啦！