惡夢開始

打針十分順利，不過打完針先係惡夢o既開始，

唔知係唔係醫生支針桔傻咗菲比，

定係雖然感覺順利，但其實又嚇親依隻細膽狗菲比...

離開診所，我就去咗買o野！去咗吉之島12蚊店，

要買包片片比菲比先得啦！佢應該就o黎第二次起水，

塞咗佢入狗袋一陣，佢不停用個鼻頂個狗袋，

搞到個鼻鼻又流血，之後去咗買其他o野！

比錢人時個衰妹想咬人，人o地找錢佢就狂吠人，

平時係地下見到單車先會樸同吠，

但係打完針後抱住佢都想樸去單車到，

係車上面又唔瞓，一路望住條街，見到有人踩單車、

有人掃地、有人推住垃圾車、甚至跑緊o既人佢都吠一餐，

好彩個司機無要求菲比入狗袋，唔係都唔知點好，

實又頂到個鼻流血啦！

夜晚細佬帶咗個朋友返o黎！佢就不停吠人，

完全失控，鬧又唔得，拍佢個咀又唔得，

困佢係房佢又狂抓門，完全無佢辦法，

菲比，妳再係咁我都唔知保得妳幾多次呀！

遲早比人打o架喇！