菲比午餐

菲比依個星期差不多日日都有HM食，

不過有D係烚雞柳所以無影相...

菲比﹕到底有D咩食呀！

鴕鳥肉雞柳米粉...

菲比﹕仲有呢？

蕃茄湯牛蹍烏冬加半隻烚蛋黃...

個蕃茄湯係我用一個大蕃茄加大半碗水煮到得返小半碗水，

o岩o岩夠一餐...

菲比﹕唔使講我緊係清兜啦！

肥牛蜆殼粉

清兜仲想問我要多d...

羊肉意粉，依個食咗兩餐都清兜...

九秒九食食食...

食完仲係咁lum個兜...

無聊相

哈哈！其實好多相都係無聊相...

係條頸帶買咗好耐，但一路都未(的)起心肝改短佢...

菲比﹕唔知今日有咩報酬呢？

菲比﹕媽媽，我算係咁啦！交足貨o架！

轉頭...

叫都叫唔聽...

唉！

唔鐘意戴係頸就戴係頭到啦！

都幾好睇丫...

菲比﹕大家又點睇呢？

當超迷你裙又如何呢？

好似太短啦！

新衫

哈哈！前幾日執腰腰d衫時，發現有d細細件的，可以比菲比著...

依件衫我好鐘意，所以買比腰腰時佢都係o岩o岩好，一d空位都無，

所以都係著得兩、三次...

菲比著又點呢？

好似鬆咗小小，等我得閒改改佢先...

菲比﹕我嬌肖嗎！？

一件衫可有三個造型...

圍巾，菲比破接受的...

任影唔嬲...

仲肯笑笑添...

不過一陣就...

今日的報酬就係雪條一大口...

心事重重

菲比最近唔知做咩呢？成日都心事重重咁，

要我聊佢先會同我玩下，但去街又會好開心喎！

唔知係唔係返中班後，菲比少咗落街所以唔開心呢？

無法啦！無日瞓到成十二點，太陽又猛又熱，夜晚返到屋企又攰，

唔知點解返中班特別攰d咁，返夜班都無咁攰...

唯有盡量早d起身，十點零鐘起到身就同佢落樓行一圈，

如果唔係果日就無得落街囉！

又會唔會係大個女o既關係呢？

係唔係同人一樣會唔舒服呢？

菲比﹕媽媽，妳都唔明白我o既...

媽媽﹕我又唔識聽狗話，又唔識傳心術，真係唔知妳點解唔開心喎！

前幾日菲比成日都搵d枕頭o黎un，

我當然阻止佢啦！依兩日仲衰到不停想搵我隻手o黎un，

我當然唔會比佢un啦！咁佢就好似發癲咁不停用手抓我，

又用個頭頂我隻手，又成日都企係度，對手按住我博頭，

然後就係咁lum我，都唔知佢想點！？！

比我鬧完又走出廳(鄧)底爬係到，見到佢好似好可憐咁，

叫聲bb豬佢就走翻入o黎，但又不停咁撞我，

又比我鬧，又走去(鄧)底...

菲比呀菲比，如果我可以知道妳想點妳話幾好呢？

菲比﹕我夠想媽媽知我想點啦！

再去巴希雅

星期日，堂妹打o黎問有無地方去，我話無，佢話不如帶d狗去反，

本來諗住帶佢o地去鹿茵山莊游水，但原來菲比正處於發情期，

唔可以游，咁唯有改去公園啦！不過下午突然又落雨，

咁邊到都唔使去啦！後來堂妹打o黎話去巴希雅燒o野食，

心諗又要放假留菲比自己係屋企，佢突然話佢帶妺妹去，

咁既然妹妹去，我o地菲比都唔執輸啦！一於一齊去...

菲比未出發先興奮呀！d相全部用手機影的，所以對眼全部好似著火咁。

同媽媽影翻張相都唔得...

一見到佢個親生媽媽就...

菲比今日都幾乖，好多時都自己係狗袋到反...

因為原來袋入面有個朋友仔係到...

我都唔知幾時放個公仔入去的，

可能係之前想氹佢入去時放入去的...

菲比﹕唔好搶我個朋友仔呀！

本來諗住燒雞軟骨比佢兩毎，但等咗成晚都無雞軟骨，

最後佢o地一狗食咗兩條多春魚...

妹妹自己坐...菲比偷飲咗一啖啤酒...

菲比﹕我無醉呀！

人o地本來得蜆，有一次有個阿叔教我o地放d瓜，洋蔥，蕃茄...

會好味d，d蜆又唔使咁喊...平時d蝦成日都燒到乾晒，

今次見無蕃茄就將d蝦放入去煮，都係鞋，麻麻地...

比咗半隻菲比同妹妹食...

睇下菲比見到條多春魚隻眼變咗心心...

又同媽媽反埋一堆...

今日影咗好多張自拍，最靚都係依張...

今年二月二十七日，未打齊三針的菲比第一次去巴希雅...