深井食海鮮

菲比﹕媽媽今日又好衰呀！

去食海鮮唔預我...

無辦法啦！去到深井咁遠，妳又唔入狗袋...

我o地今次一行九人，係荃彎買咗仟七蚊海鮮，

舖頭係有個同事以前係果到做過，

佢依晚都好慘，見人o地咁忙，經常都要幫手，直至飲到醉醉地...

舖頭收我o地九佰蚊加工錢，我o地九個人自己帶咗支紅酒同黑牌，

竟然仲飲咗成五佰酒同汽水，

(唔係應該話六個人飲酒)我同另一個同事係滴酒不沾的，

我都飲咗三罐汽水...

食食下先記得影相，碟蝦同腳趾已經食晒啦！

而花螺都係得翻兩粒...

最愛瀨尿蝦，個味煮得好好...

個蠏麻麻地，我阿媽炒仲好味...

鮑魚我鐘意清蒸多d...

東升蒸得啱啱好，d肉一d都唔(鞋)，

不過我唔愛啖啖肉的魚，

所以淨係食咗小小魚腩同兩塊面珠(登)...

蒸扇貝，無咩特別，同樣阿媽都煮到...

九個人每人兩隻，但我食咗一隻就食唔落啦！

味道都唔太吸引，無謂要肚皮受罪啦！

依個燒汁聖子等一次食，味道真係好好，好好味，

但每人得一隻，本來我都可以食三隻的，

有倆個同事掛住傾計，我就叫佢o地快d食，唔係我就食咗佢...

點知兩個都叫我食咗佢，但我實在太飽啦！

燒汁聖子上的洋蔥好好味，所以要咗碟燒汁洋蔥，

依碟洋蔥等咗我o地個幾鐘頭，仲以為佢o地去咗種洋蔥添...

我同表姐幾識嘆...

走時見到一把既唔可以(姐)太陽，又唔可以擋兩的(姐)，

都算係奇景之一，點解之前無人寄信去千奇百趣...

我一定比十個趣...

點飽都好，一聽到甜品就...

當然要試啦！

我的什果綿綿冰，d爆珠比人搶食晒，

我自己得翻幾得咋...

依個榴槤班(cake)好好味...

我o地六個人，有個唔食榴槤的，

每人又叫咗一個甜品，

都食咗兩盒...