又來定力測試

平時一放低個飯兜，菲比就唔理三七二十一，

即時九秒九衝去食食食，最多唔鐘意就食少d啫，

總之就點叫佢唔可以，點NO NO﹐都無用...

今次我唔會咁容易就比妳食o既...

今次用咗一條聖瓜滾咗個湯，加d雞柳同牛蹍，

整咗雞柳牛蹍蜆殼粉...

又係一o黎就九秒九想食，

今次當然比我阻止住啦！

話明要對佢做定力測試o麻！

點知菲比叫極都唔聽，直至我大聲鬧佢，佢先肯停...

睇佢坐到幾遠，郁都唔敢郁...

將個糧兜方翻去籠邊睇下先...

佢就一步一步向前走...

好想趁我唔留神就偷食...

最後當然無偷食啦！

佢真係等我推個糧兜前d，然後叫佢食啦！

佢先走埋o黎食！

耳仔成日都掂到d湯，

唔通真係要將條小褲褲戴係頭度...

最後比我諗到用條橡根將兩隻耳仔紮去後邊。

因為有得食，菲比都一於小理，食咗至算...

菲比習慣一食飽就上床發癲，係床到轉來轉去，碌來碌去，

所以要趁佢未轉未碌前就要同佢抹乾淨，

不過今日掛住影相， 就影完先抹啦！

對耳仔紮起咗，當堂變咗第二隻狗呢？

媽媽﹕我隻菲比豬呢？

每次我一不停叫菲比，(扮睇佢唔到)

菲比都係走o黎我身邊，我如果繼續叫(繼續扮睇佢唔到)，

佢就會用隻手仔抓下我，好似識話比我知佢係到咁，

但如果我繼續扮睇佢唔到繼續叫的話佢就會發癲咁不停撲我，

所以我成日都不停叫佢...

成咀都係湯...

菲比﹕點解媽媽今日唔同我抹咀，

係唔係想我自己抹係床到呢？

菲比﹕搞掂，媽媽快d換床單...

其實係我同佢抺完咀去洗毛巾時比佢fing甩咗條橡根，

所以佢零舍開心...