傻龜一族

發夢都無諗過自己會養龜，

細個時養過，但都唔係我自己養，

但係有次去朋友屋企佢啱啱買咗兩隻龜，

之後對果兩隻龜念念不忘，

於是有日放工去睇龜，

咁就帶咗兩隻龜龜返屋企啦！

就是牠們了，起名傻瓜同傻B...

好可愛，比五毫大些小...

這麼細的一隻小龜，自己識得爬上浮板...

會唔會太多水呢？

原來龜龜的一舉一動是百看不厭的...

第二天添置一盞燈...

一些光管魚，但我就做咗殺魚兇手，

因為賣魚的人話細龜唔食生魚的，

我竟然相信，原來係細龜食唔到大魚，因為大魚游得比龜快...

一個缸養兩隻龜好似太多空間，

所以又買多一對龜，

後來表姐話唔好養四隻，

於是又去買多咗隻刀背蛋返屋企，

結果佢o地由一家兩口，在短短三日就變咗一家五口...

一家五口的唯一一張合照...

因為傻仔幾日後就走了...

結果都係養四隻，

自此都有再買龜龜返屋企，

但都養唔耐，

最後都放棄咗，由得佢o地四隻就四隻啦！

大半年後大家都大晒啦！

後來因為返工整親條腰，唔可以兩日換一次水，

由兩日變四日，四日變七日，七日變十日，

屋企就越來越大陣龜味，

有時仲要細佬幫手換添，佢幫你一次兩次就可以，

要佢經常幫你就無可能的，

最後因為要養菲比，屋企人話一係養狗，一係養龜，

但無人再肯幫我手換水，

所以將四隻龜龜送咗比金魚佬，

賣金魚的叔叔...

第二日去諗住睇下佢o地啦！

點知金魚叔叔好鐘意佢o地，全部帶晒返屋企自己養...

咁我都放心d，唔使成日諗住佢o地會比咩人買咗...