到咗第五堂啦！今堂唔知係唔係我自己唔係狀太呢？
星期一晚收十一點，夜晚成三點幾四點先瞓到，
第二朝要六點起身返早，實在有點攰，
見下個星期最後一堂，所以決定都係請假，唔想再烏下烏去上堂，
今堂環境唔同咗，所以菲比不停想撲上我到，
今堂好似無咩教過o野咁，因為負責跟進菲比o既姐姐今日要處理第二隻狗，
所以都好小理菲比，有時會叫我同佢玩佢識o既！
但我今日唔記得烚肉比菲比，無獎勵，環境又唔同咗，
佢又點會乖乖就範丫！玩跨欄時又係，菲比次次跳完第一條，
第二條欄就走側邊過，唔知係我求其拖定係菲比唔想玩呢？
不過菲比今日係人比o野佢都食，仲食得好博命添，
之前幾堂最後一次玩跨欄d師兄師姐會用手放咗好多食物，
等佢o地跳完就去食，但菲比從未食過，次次都要我伸手去接佢o地比o既食物，
菲比先食，但今堂就...菲比食到唔肯跟我返位呢？
八掛妹成日都會望街，想同佢影張相都唔得...
明明望緊境頭，一聽到聲就...
好難先影到張側面...
菲比你訓到反白眼啊
回覆刪除[烈女菲比11/02/2011 23:47:53]其實係佢比我擰鏡頭開機時嘈醒咗，不過好快又瞓翻，影依張相時可能未完全瞓得著啦！
最後張相我要睇1陣先見到佢個樣係邊呀!!!
回覆刪除[烈女菲比11/02/2011 23:48:50]哈哈！我自己影完都要放大先知自己影咗咩...
菲比媽真係勤力呀, 可能環境唔同左, 所以菲比有D唔習慣呢!
回覆刪除[烈女菲比11/04/2011 04:35:04]其實佢有咁o既意識係好定唔好呢？咁樣代表佢鍚我，但又會傷到其他人...
[壽壽, 悠悠, 灰灰回覆11/03/2011 13:22:50]我都相信佢地有保護主人的意識, 不過我家, 剩係得壽壽會有呢個狀況
[烈女菲比11/03/2011 12:31:21]其實可能係我唔習慣，所以影響咗菲比，佢o地同我講，其實菲比好易教，要教佢o既佢都好快可以做到，反而要我大膽d，唔好咩都驚，哈哈！都唔知點解師傅次次行過o黎菲比就會e牙！對師傅有敵意，師傅話可能係每次佢行過o黎我就緊張，菲比感應到，覺得師傅行過o黎我會驚，所以佢會有咁o既反應，要我保侍放鬆o既心態...所以菲比有咁o既行為全部都係因為我...
咁你要首先改變左自己 d 心態先得喎, 要變成菲比的leader! 你一定得架^^
回覆刪除[烈女菲比11/08/2011 19:01:04]我都盡量練得大膽d，唔好咩都咁大反應...