第三堂義務訓犬班

每個星期上完堂就會好期待下一堂，

今日終於都到上堂日啦！

上次買果條頸繩太長，唔係咁適合菲比，

所以買條尼龍的...

砵砵車咗三條三角巾比菲比，但穿頸帶的空位太細，

頸帶穿唔過。

所以穿咗係條頸繩到...

今次烚咗d雞柳同鴨胸比菲比，突登留d大舊d，

上堂時可以用來獎菲比的...

今日發覺菲比進步咗好多，不過一去到就(娟)咗入梳化底，

佢今日無再成日想樸上我到，乖乖坐係我腳邊，

又肯比師姐拖佢行，(當然唔可以離開我太遠)

菲比從未試過比第二個人拖住，

而又無掙扎返我到，雖然佢都有想返我到，

都只係經過我到時撲一撲我，而唔係掙扎...

另一個進步就係菲比終於對~~到菲比喇！有反應，

第一次上堂時佢無得玩跨欄，等個望字，但一d反應都無，

反而隔離隻黑色唐狗見人o地果隻玩咗幾次就開始有反應，

會吠人，好似話到我玩，到我玩咁，

第二堂菲比可以玩跨欄，但師兄叫到菲比喇！佢都係無反應，

反而佢阿媽我呢？就超緊張，一o野就拉住佢跑出去...

到今堂，我同師姐係到傾緊計，師兄叫到...

都未叫菲比，菲比就撲前，到師兄叫菲比喇！佢就吠咗一聲，

好似話比師兄知，知道咁，好得意，

之後幾次都係咁...睇住菲比從遊戲中學習，

都有進步，我都要加倍努力先得...

我o地今日十一點二十分到小巴站，但尾班車都開咗，

唯有又屈蛇啦！其實唔覺唔覺，菲比真係叻女咗好多，

之前死都唔肯入狗袋，到入咗狗袋都不停掙扎，

到掙扎咗幾次就乖乖係狗袋入面，不過要我按住個出口，

到入到狗袋就乖乖，而且我唔使按住個出口，佢都唔會再嘗試逃走出來，

真係要比個GOOD佢呀！

今次我仲係無抱住個狗袋，而係將個狗袋放係隔離，

佢都可以乖乖咁坐到落車，宜且影相仲識笑添，GOOD！

今日菲比就淨係影咗依三張相...

落車後過完馬路，見無咩人，就放菲比自由行，

一路自己行到返屋企添，GOOD...