又破壞王

菲比正一破壞王，成日都咬爛o野！

今次仲要咬爛媽媽為佢預備o既生日禮物...

係愛犬站訂咗條頸帶比菲比，佢打o黎話可以攞得，

本來諗住第二日返工前去攞的，咁o岩砵砵打o黎話出緊大埔，

就叫佢同我攞埋返屋企啦！點知砵砵返到屋企就將條頸帶放係枱面，

咁就比個衰妹咬爛條頸帶啦！

菲比，我都唔想o架！但無理由有o野咬都唔咬的o麻！

完本靚靚的頸帶，

諗住送比菲比其中一份的一歲生日禮物，

咁就比佢咬到用唔到啦！

其實都可以用的，不過我自己接受唔到囉！

菲比﹕媽媽唔好嬲啦！

最後我竟然去買多三條頸帶返o黎！

都係因為唔知買邊隻色好，起初諗住買翻桃紅色的，

諗諗下無理由又買翻桃紅色，結果買咗紫色，

但返到屋企諗來諗去都係鐘意桃紅色，

最後第二日諗住去買埋桃紅色，見到條紅色，

不如果埋啦！所以就買咗三條頸帶啦！

仲要係第二日發現有到地方平愛犬站成十蚊有多一條，

四條加埋我可以買多一條半啦！

唉！都無辦法啦！邊個叫我成日都咁心急，

想買就去買，又唔行多幾間先...

菲比﹕媽媽買多幾條返o黎！即係唔嬲啦！

菲比﹕我下次唔咬依d啦！咬d我鐘意o既！咁媽媽又買多幾件返o黎！

哈哈哈！