菲比十一個月大

菲比今日十一個月大啦！



返到屋企先醒起原來一過十二點，菲比就十一個月大啦！

打開冰櫃想睇下可以煮d咩比佢慶祝下，

原來得翻三文魚，唔想比佢淨食三文魚，

所以無煮到o野比菲比食，真係好對唔住呀！菲比，

等媽媽放假去入貨再煮過比妳食啦！

見無o野煮比菲比食，就比雪條佢食啦！

平時佢只可以食依度o既四分一，

見今日佢十一個月大生日，所以就比多ddd佢啦！

菲比﹕真係好好味，如果日日都係生日就好lu...

食完雪條，扮下靚靚影翻d相先...

本來諗住攞d大口仔落o黎同佢影下相的，

點知個衰妹淨係掛住玩大口仔...

仲要用個pat pat對住我添...

唯有影下佢o既禮物啦！

依件衫係星期二係元朗買的，見平平地，

就買來比佢做十一個月大生日禮物啦！...

點解菲比咁合作，笑得咁開心又望鏡頭...

因為我攞咗佢最鐘意玩果隻大口仔o黎引佢。

之前個夾仔唔夠明顯，換過個o黎影相先...

好鐘意依張相，三個最愛，仲有一個係我手，

其實仲有好多係櫃到，唔想攞出o黎！

起初唔想買依條裙，因為我唔鐘意波點，

但覺得條裙又好靚喎！我唔鐘意啫，

可能菲比鐘意呢？估唔到著出o黎係咁靚的，

好彩買咗佢...

一放低菲比又掛住玩佢...

最後要出動佢o既第十一個朋友仔，先可以影到依張四個最愛o既相...

本來個o既第十一個朋友仔係一隻SNOOPY公仔，但唔知比我放咗去邊樹，

好彩我有好多存貨，唔係就真係要明天拿拿臨去買...

菲比對每個新朋友都會好感興趣，要過多幾時先知佢鐘唔鐘意，

暫時首位都係毛蟲，見佢咁鐘意玩，星期二去開元朗又買多條做後備，

萬一爛咗或者唔見咗都有得玩，果日菲比唔見咗佢第二個朋友仔，

媽媽覺得好唔開心，因為菲比都好鐘意個薑餅人o架！

玩緊新受友都要走埋大口仔到。

仲想擔住跳上去...

好似三個大口仔望住菲比玩咁...

媽媽﹕菲比﹐仲有禮物喎！要唔要呀！

菲比﹕緊係要啦！

好耐都無買細細粒零食比菲比啦！

因為買親都大件零食，方便我出門口時比菲比...

但佢好似無咩興趣咁...

媽媽﹕菲比，到底妳要唔要呀！

菲比﹕要要要...

好唔客氣咁一口咬落o黎...

睇下佢個朋友仔，唔知？豆先生見到會點呢？

同佢加個煲太先...

又比菲比一口食咗...


菲比，祝妳十一個月大生日快樂！

身體健康！每日都開開心心！

上完訓練班後唔好再想咬人喇！咁就人見人愛啦！